Автомобилларга газ тўлдириш компрессор шохобчалари учун

табиий газ етказиб бериш бўйича

ШАРТНОМА

Истеъмолчининг номи, ташкилий ҳуқуқий шакли (Кейинги ўринларда “Истеъмолчи” деб аталувчи) номидан Истеъмолчи вакилига шартнома тузиш ҳуқуқини берувчи ҳужжат асосида ҳаракат қилувчи Истеъмолчи ташкилот раҳбари лавозими Истеъмолчи ташкилотнинг раҳбари Ф.И.О.си бир томондан ва Етказиб берувчининг номи, ташкилий ҳуқуқий шакли (кейинчалик “Етказиб берувчи”деб аталувчи) номидан Етказиб берувчи вакилига шартнома тузиш ҳуқуқини берувчи ҳужжат асосида ҳаракат қилувчи, Етказиб берувчи ташкилот раҳбари лавозими Етказиб берувчи ташкилот раҳбари Ф.И.О.си ,иккинчи томондан, ушбу Шартномани қуйидагилар ҳақида имзоладилар:

I. ШАРТНОМА ПРЕДМЕТИ

1.1. Етказиб берувчи ўз зиммасига газ тармоқлари орқали Истеъмолчининг келишилган буюртманомаси бўйича табиий газни (кейинларда ўринларда газ деб аталади) мазкур шартноманинг 1.4-бандида кўрсатилган ҳажмларда етказиб бериш мажбуриятини олади, Истеъмолчи эса ўз зиммасига ушбу ҳажмда кўрсатилган газни қабул қилиш мажбуриятини олади ҳамда тўловларни белгиланган нарх бўйича ўз муддатида амалга оширади.

1.2. Етказиб берувчи ушбу шартномага мувофиқ газ таъминоти лойиҳаси асосида стандартлаштирилган ва сертификатланган газ ёқиш мосламалари ва газдан фойдаланиш учун ускуналар, шунингдек, газ сарфини ҳисобга олиш приборлари (кейинги ўринларда ўлчаш мосламалари деб аталади) мавжуд бўлганда газ етказиб беради.

1.3. Истеъмолчи Етказиб берувчига тасдиқланган меъёрларга (Ўзбекистон Республикаси Вазирлар Маҳкамасининг 2018 йил 12 январдаги 22-сонли қарори билан тасдиқланган Табиий газдан фойдаланиш қоидаларининг 6-банди) асосан келгуси йилда газга бўлган асосланган эҳтиёжни тақдим этади.

Истеъмолчи ҳар йили 15 июлгача бўлган муддатда етказиб берувчига чораклар бўйича (қиш даври учун – ойлар бўйича) тақсимланадиган келгуси йилги газ истеъмолининг прогноз қилинаётган ҳажми учун, шу жумладан шахсий электрон кабинет орқали, буюртма беради.

1.4. Истеъмолчининг асослантирилган буюртманомасига асосан Истеъмолчига газни етказиб бериш мўлжалланган йил йил учун етказиб бериладиган газ ҳажми Истеъмолчига етказиб бериладиган газ ҳажми куб метрни,нархи Истеъмолчига етказиб бериладиган газ нархи сўмни ташкил қилиб, белгиланган ҳажмдаги босим билан техник шартлар асосида, шу жумладан чораклар ва ойлар бўйича қуйидагича аниқланади:

1.5. Агар, Истеъмолчи ойлар бўйича бўлинган буюртманомани такдим этмаса, Етказиб берувчи томонидан табиий газ ҳажми чораклар бўйича (қиш даври учун — ойлар бўйича) тенг таксимланади.

1.6. Етказиб берувчи Истеъмолчининг келгуси ой учун кутилаётган ўзгариш тўғрисидаги аризасини тасдиқланган ресурслар баланси ва табиий газ тақсимотига мувофиқ ажратилган ҳажмлар даражасида кўриб чиқиши мумкин.

1.7 Ушбу шартнома шартлари Ўзбекистон Республикасининг қонунчилиги, Вазирлар Маҳкамасининг 2018 йил 12 январдаги 22–сонли қарори билан тасдиқланган Табиий газдан фойдаланиш Қоидаларига талабларига мувофиқ бўлиши лозим. Тарафлар шартнома шартларига риоя қилиш мажбуриятини ўз зиммасига оладилар.

II. ГАЗ ЕТКАЗИБ БЕРИШ ШАРТЛАРИ

2.1. Газ ушбу шартномада кўрсатилган муддатларда ва ҳажмларда ҳамда ГОСТ 5542-2014 (Саноат ва коммунал фойдаланиш учун табиий ёнувчи газлар)га мувофиқ етказиб берилади.

2.2. Истеъмолчи Етказиб берувчидан ушбу шартноманинг 1.4-бандига асосан ҳар бир ой учун кунлик (соат) кесимида тенг тақсимланган ҳолда газни қабул қилиб олади, шунингдек, 4.11-бандига асосан газни етказиш-қабул қилиш далолатномасини имзолайди.

2.3. Етказиб берувчи Истеъмолчига газни етказиб бериш ва қабул қилиш тартиби ва шартлари ўзгарганлиги ҳақида 3 сутка олдин қайд қилинган хабарномани мавжуд усуллар орқали маълум қилиши шарт.  

Етказиб берувчининг фавқулодда-диспетчерлик хизмати телефон рақами:

Етказиб берувчининг фавқулодда ҳолат учун телефон алоқа рақами

Истеъмолчининг манзили ва телефон рақами:

Истеъмолчининг манзили ва рақами

2.4. Етказиб берувчи газ етказиб беришнинг қисқартирилиши ҳақида қайд қилинган хабарномани мавжуд усуллар орқали Истеъмолчини амалда газ етказиб бериш қисқартирилишидан 3 кун олдин хабардор қилади.

Газ қувурларида авария ҳолатларида Етказиб берувчи Истеъмолчини газ етказиб бериш камайтирилганлиги ёки тўхтатилганлиги тўғрисида тезкор хабардор қилади.

2.5. Қонунчилик ҳужжатларида белгиланган тартибда маиший истеъмолчиларни, идоравий ва муниципал уй-жой фондини, аҳоли эҳтиёжларини, шунингдек стратегик ва ижтимоий аҳамиятга эга бўлган истеъмолчиларни об-ҳаво совиб кетиши даврида газ билан узлуксиз таъминлаш мақсадида Табиий газдан фойдаланиш қоидаларида белгиланган тартибда Истеъмолчига газ етказиб бериш қисқартирилиши ёки бутунлай тўхтатилиши мумкин.

2.6. Истеъмолчи ўз тасарруфидаги газ тармоқлари ва уларга ўрнатилган ускуналар, газ тақсимлаш пунктлари (ГТП) ва газдан фойдаланиш қурилмалари, газ тармоқларининг сақланиши ва техник хизмат кўрсатилиши, фойдаланилиши ва уларнинг яроқлилиги учун жавобгарликни ўз зиммасига олади.

2.7. Истеъмолчида газ истеъмоли ҳажми ўзгариши муносабати билан қўшимча газдан фойдаланиш қурилмаларининг ўрнатилиши, реконструкция ёки таъмирланиши лозим бўлганда Истеъмолчи Етказиб берувчидан реконструкция қилишнинг техник шартларини олиши шарт. Газ тармоқларига уланиш Табиий газдан фойдаланиш қоидаларига мувофиқ амалга оширилади.

2.8. Истеъмолчи ёки Етказиб берувчининг тўлов реквизитлари ўзгарган тақдирда улар дарҳол бу ҳақда бир-бирларини хабардор қилишлари лозим. 

2.9. Газни ишлаб чиқариш, қайта ишлаш, транспортировка қилиш, тақсимлаш ва истеъмол қилишнинг ягона ажралмас технологик жараёнини ҳисобга олган ҳолда, газни ишлаб чиқарувчи, транспортировка қилувчи корхоналарнинг ва Етказиб берувчининг амалдаги қонунчилик талабларига мос бўлган кўрсатмалари бажарилиши Истеъмолчи учун мажбурийдир.

2.10. Истеъмолчи газ ҳисоблаш прибори маълумотларини Табиий газ истеъмолини ҳисобга олиш ва назорат қилишнинг автоматлаштирилган тизими (кейинги ўринларда ТГНҲАТ деб аталади)га онлайн тарзда мунтазам узатилишини таъминлаш чораларини кўради.

Маълумотларни ТГНҲАТга онлайн тарзда узатилишида Етказиб берувчига алоқадор бўлган ҳолатлар бундан мустасно.

III. ЕТКАЗИЛГАН ГАЗНИНГ ҲИСОБИНИ ЮРИТИШ

3.1. Газ фақат ҳисобга олинган ҳолда етказиб берилади.

3.2. Етказиб берилган газ миқдори ҳар ойда газ тармоқлари бўлиниши чегарасида ўрнатилган ҳисоблаш приборлари кўрсаткичлари бўйича аниқланади ҳамда ҳар икки томон имзолайдиган газ етказиб бериш ва қабул қилиш далолатномаси билан расмийлаштирилади.

Газ тармоғи бўлиниши чегараси Етказиб берувчи ва Истеъмолчи ўртасидаги, тегишлилиги бўйича аниқланадиган газ тармоғи бўлиниши нуқтаси ҳисобланади ва унда ҳисоблаш приборлари ўрнатилиши шарт.

Етказиб берилган газ учун ҳисоб-китоб стандарт шартларга нисбатан газ ҳажмини – куб метрларга келтирган ҳолда (Т = 200С, Р = 760 мм симоб устуни шартда) амалга оширилади.

Истеъмолчи томонидан газни тижорий ҳисобга олиш учун мўлжалланган торайтирувчи қурилмага эга ўлчов комплексидан фойдаланилган тақдирда, Етказиб берувчи газни ёзги ва қишки мавсумларда истеъмол қилиш ҳажмидан келиб чиқиб, торайтирувчи ускуналарни ўз вақтида алмаштирилишини ва ўлчов комплекси ишини “Ўзбекистон техник жиҳатдан тартибга солиш агентлиги” талабларига мувофиқлаштирилишини таъминлаши лозим.

3.3. Газ сарфланишини ҳисоблашда қуйидаги кўрсаткичлар инобатга олинади:

а) манометрлар ва термометрлар созлиги, уларнинг давлат текшируви амал қилиши муддати;

б) газ тақсимлаш шохобчаси (кейинги ўринларда ГТШ деб аталади)ни юргизиш (тартибга солиш) муддати, шунингдек, ҳақиқий ишчи босимнинг ГТШни тартибга солиш далолатномасида қайд этилган кўрсаткичларга мувофиқлиги.

Қайд этилган кўрсаткичларга риоя этилмаганда Рортиқча = 1,0 кг/см2 коэффициенти қўлланади.

Етказиб берувчи Истеъмолчи билан биргаликда ҳисоблаш приборига, унинг сифат лабораторияси томонидан тақдим этиладиган газ таркиби бўйича тузатувчи ўзгартиришларни 12 соатдан кечиктирмасдан киритиши керак. Газ таркиби бўйича кўрсаткичларнинг ўз вақтида ва ҳаққоний киритилиши учун жавобгарлик Етказиб берувчи зиммасида бўлади.

Газнинг физик-кимёвий параметрлари стандарт шароитдаги зичлик, азот (N2)ва углерод диоксиди (CO2)Стандарт торайтирувчи қурилмалар асосидаги ўлчов комплексларининг конфигурациясига киритилади.

Истеъмолчи ва Етказиб берувчи ўзаро келишувга мувофиқ уларнинг вакиллари томонидан газнинг физик-кимёвий параметрларини ўз вақтида ҳисоблаш прибори конфигурациясига киритилишни таъминлайди. Етказиб берувчи Истеъмолчига газнинг физик-кимёвий параметрларини ўз вақтида етказиб берилишини таъминлайди.

Истеъмолчи томонидан ҳисоблаш прибори ва/ёки ўлчов комплекси танлови тегишли қоидалар ва меъёрларга мувофиқ амалга оширилади ва Етказиб берувчи билан келишилади. Истеъмолчи томонидан ҳисоблаш прибори ва/ёки ўлчов комплекси ТГҲНАТга уланиши лозим.

3.4. Газ сарфини ҳисоблаш прибори ҳажмини ўлчаш диапазони ўрнатилган газдан фойдаланиш ускуналари қувватига мувофиқ бўлиши лозим.

Газни ҳисоблаш приборининг ҳатолиги ҳисоблаш приборининг паспортида белгиланган чегаралар оралиғида, шунингдек торайтирувчи қурилма асосида ишловчи ҳисоблаш комплексларида эса торайтирувчи қурилмалар учун ишлаб чиқилган ва тасдиқланган чегаралар оралиғида кўрсатилган ҳатолик чегарасига мос келиши лозим.

Ўлчов комплекси ва ўлчаш приборлари ишлашида ностандарт ҳолатлар юзага келган тақдирда газ ҳажми меъёрий хужжатларга асосан қайта тикланади.

Етказиб берувчи томонидан етказиб бериладиган газ ҳажмининг ишончлилигига таъсир кўрсатувчи ўлчов комплекслари ва ҳисоблаш приборларининг ишлаши бузилиши ҳолатлар аниқланганда, Етказиб берувчи ёки Истеъмолчи “Ўзбекистон техник жиҳатдан тартибга солиш агентлиги” бўлинмаларида ўлчов комплекслари ва ҳисоблаш приборларини экспертизадан ўтказишни талаб қилиш ҳуқуқига эга.

Агар ўлчов комплекслари ва ҳисоблаш приборлари носоз ҳолда бўлса, экспертизадан ўтказганлик учун тўловлар Истеъмолчи томонидан, соз ҳолатда бўлса эса Етказиб берувчи томонидан амалга оширилади.

3.5. Қуйидаги ҳолатларда етказиб берилган табиий газ учун пломбаланмаган газдан фойдаланиш асбоб-ускуналарининг бир суткада тўлиқ қувват билан 24 соат ишлаши ҳисобидан амалга оширилади:

газни ҳисобга олиш приборини давлат қиёсловидан ўтказиш муддати тугаганда ва Истеъмолчи давлат қиёсловини ўтказишга тўсқинлик қилган ҳолатда, тегишли ҳисоб-китоб қиёслов муддати тугаган вақтдан бошлаб у ўтказилгандан кейин газни ҳисобга олиш приборини ўрнатишгача бўлган даврга.

Истеъмолчи томонидан қуйида кўрсатилган қоида бузилишлари содир этилган тақдирда, ундан истеъмол қилинган табиий газ ҳажмлари нархи (амалдаги тарифлар бўйича) Етказиб берувчининг ваколатли ходими сўнгги кўрикдан ўтказиш вақтидан бошлаб, газдан фойдаланиш ускунасининг сутканинг 24 соатида тўлиқ қувват билан ишлаши ҳисобидан келиб чиққан ҳолда, бироқ мазкур ҳисоб-китоб даври (ой)дан ортиқ бўлмаган муддатга ундирилади:

а)табиий газ истеъмолини ҳисобга олиш приборига қасддан шикаст етказиш;

б) ўчириш қурилмалари, газдан фойдаланадиган ускуна ёки табиий газ истеъмолини ҳисобга олиш приборида ўрнатилган тамғаларни қасддан бузиш;

в) табиий газ ҳисобини юритмасдан ёки ўрнатилган табиий газ истеъмолини ҳисобга олиш приборларидан фойдаланмасдан табиий газни ишлатиш, ойлик меъёрлар бўйича аҳоли маиший эҳтиёжлар учун табиий газ етказиб бериш бўйича хизмат кўрсатиш бундан мустасно;

г) газ қувурлари ёки ГТШларда, газ тақсимлаш тармоқларини технологик иш режимини бузишга олиб келадиган қурилмаларни ўрнатиш.

Охирги кўрик ёки охирги ташриф – газ таъминоти ташкилотининг ваколатли ходими томонидан ҳисоблагични техник ва метрологик ҳолатини ҳамда газ ускуналарини жойига чиққан ҳолда кўздан кечириш (тасдиқловловчи хужжатлар тақдим этилганида) ҳисобланади.

Хатловдан ўтказиш далолатномаси мавжуд бўлмаганда табиий газ истеъмолини ҳисобга олиш приборини давлат қиёсловидан ўтказиш учун ечиб олиш санаси охирги хатлов ўтказилган кун ҳисобланади.

Истеъмолчилар томонидан газлаштириш учун зарур ҳужжатлар расмийлаштирмасдан газ тармоқларига ўзбошимчалик билан уланган тақдирда, ушбу хатти-ҳаракатларни содир этган шахслардан рухсатсиз фойдаланилган газ ҳажмлари қиймати Истеъмолчи давлат рўйхатидан расмий ўтказилган кундан бошлаб (тегишли тасдиқловчи ҳужжатлар мавжуд бўлганда) ўтган вақт мобайнида газдан фойдаланиш ускунасининг сутканинг 24 соатида тўлиқ қувват билан ишлаши (ёки стандарт газдан фойдаланиш ускунаси мавжуд эмаслигида қувурнинг ўтказиш имконияти) ҳисобидан келиб чиққан ҳолда, бироқ даъво муддатидан ортиқ бўлмаган миқдорда ундирилади.

Шунингдек, тармоққа уланган газдан фойдаланиш ускунасининг бир суткада максимал (тўлиқ) қувват билан 24 соат ишлаши ҳисобидан келиб чиқиб, истеъмол қилинган табиий газ ҳажмларининг қиймати қуйидаги ҳолларда ундирилади:

а) ҳисобга олишни нотўғри кўрсатиш мақсадида ҳисобга олиш приборининг конфигурацияси ва созлигини ўзгартириш учун табиий газ истеъмолини ҳисобга олиш приборига модем ёки бошқа алоқа воситаларининг рухсатсиз улангани аниқланганда – рухсатсиз аралашилган кундан бошлаб бутун вақт давомида (аралашиш ҳолати ва санасини тасдиқловчи ҳужжатлар мавжуд бўлганда), лекин даъво муддатидан кўп бўлмаган даврда;

б) табиий газ истеъмолини ҳисобга олиш приборининг хотирасидан истеъмолчининг айби билан назорат қилинадиган маълумотлар қисман ёки тўлиқ йўқотилишига йўл қўйилганда – маълумотлар йўқотилган вақтдан носозлик аниқланган вақтгача (аралашиш ҳолати ва санасини тасдиқловчи ҳужжатлар мавжуд бўлганда), вақтни (даврни) аниқлаш имкони бўлмаганда – охирги кўрик ёки газ таъминоти ташкилоти вакили бориб кўрган вақтдан бошлаб, лекин даъво муддатидан кўп бўлмаган даврда;

в) газ истеъмоли ҳажмлари ҳисобга олиш приборининг рухсат этилган максимал ўлчов чегарасидан ортиқча бўлганда. Ушбу ҳолатда пломбаланмаган газ жиҳозларида фойдаланилган газ учун ҳисоб-китоблар охирги хатловдан ўтказиш далолатномаси тузилган кундан, хатлов далолатномаси мавжуд бўлмаганда эса – газ таъминоти ташкилоти вакили томонидан охирги марта бориб кўрилган кунда амалга оширилади;

г) ҳисобга олиш приборини улаш тартиби ва схемаси ўзгартирилганда, прибордан ташқари визуал аниқлаб бўлмайдиган яширин йўл билан уланишлар (газ қувурлари, байпас линиялари ва бошқаларни яширинча монтаж қилиниши) аниқланганда – охирги хатловдан ўтказиш далолатномаси тузилган кундан, лекин даъво муддатидан кўп бўлмаган даврда;

д) ҳисобга олиш прибори бузилганда ёки мавжуд бўлмаганда (истеъмолчи айби билан), пломбалар узилганда ва визуал аниқланадиган табиий газнинг ҳақиқий истеъмоли кўрсаткичларини камайтириш мақсадидаги бошқа қоидабузарликларда (жумладан, ҳисобга олиш приборидан ташқари ёки ундан олдин газ қувурлари ва байпас линиялари уланганда) – бир ҳисоб-китоб давридан кўп бўлмаган вақтда;

е) газлаштириш ҳужжатларини расмийлаштирмасдан қўшимча газ қурилмаси ўрнатиш ҳолати аниқланганда (қўшимча газ анжомларини ўрнатиб олиб фойдаланаётганлик факти бўйича асослантирувчи ҳужжатлар мавжуд бўлганида), -охирги хатлов далолатномаси тузилган кундан, лекин бир ҳисоб-китоб давридан кўп бўлмаган вақтда.

Газ узиб қўйилганидан сўнг ўзбошимчалик билан қайта уланганда, истеъмол қилинган газ ҳажми ва унинг қиймати газ узиб қўйилган кундан бошлаб, уланган газдан фойдаланиш ускунасининг бир суткада 24 соат ичида тўлиқ қувват билан ишлаб туриши ҳисобидан аниқланади.

Бунда қоидабузарлик тўғрисидаги далолатномага мувофиқ амалга оширилган қайта ҳисоб-китоб ҳажми ва суммаси қонун бузилиши натижасида келтирилган зарарни ҳисоблаш учун асос ҳисобланади.

3.6. Ҳисоблаш прибори Истеъмолчининг айби билан носоз ҳолга келганда, етказилган газ ҳажми тамғаланмаган газдан фойдаланиш ускунасининг энг юқори қувват билан ишлаб туришига нисбатан аниқланади, бироқ мазкур ҳисоб-китоб даври (ой)дан ортиқ бўлмаган муддатга қўлланади.

Ҳисоблаш прибори Истеъмолчининг айбисиз носоз ҳолга келганда, ҳисоблаш прибори ТГНҲАТга уланган бўлиб, тизимдан архив маълумотлар олиш имкони бўлганда, ҳисоб-китоб амалга оширишда ушбу маълумотлардан фойдаланилади.

Ҳисоблаш прибори носоз ҳолга келганда, Истеъмолчи 24 соатдан кечиктирмасдан бу ҳақида Етказиб берувчига хабар бериши, шунингдек, Истеъмолчини ва газдан фойдаланувчи ускуналари иш жадвалини тузиши ва газдан фойдаланилмайдиган газ ускуналарини Етказиб берувчи Истеъмолчи иштирокида тамғалаб қўйиши ва тегишли далолатнома расмийлаштириши шарт.

3.7. Ҳисоблаш приборларини ўрнатиш, фойдаланиш ва текшириш амалдаги меъёрлар ва қоидаларга асосан ўтказилади.

3.8. Газни ҳисоблаш учун фақат Ўзбекистон Республикаси ўлчов воситалари Давлат реестрига киритилган турдаги приборлардан фойдаланиш шарт.

3.9. Приборлар уларнинг фойдаланиш учун яроқли эканлигини тасдиқловчи ҳужжат, ишлаб чиқарувчи корхона томонидан белгиланган жойларда тегишли шаклдаги амал қилувчи белгилар ва тамғаларга эга бўлиши шарт.

3.10. Ҳисоблаш приборларининг техник ҳолати, таъмирланиши ва ўз вақтида давлат қиёсловидан ўтказилиши учун жавобгарлик ҳисоблаш прибори эгаси зиммасига юклатилади.

3.11. Газ истеъмолини ҳисобга олиш приборларини давлат қиёсловидан ўтказиш метрология хизмати органлари томонидан қонунчиликка мувофиқ амалга оширилади.

3.12. Ҳисоблаш приборларини қиёслов даврийлиги меъёрий-техник ҳужжатлар асосида белгиланади.

3.13. Ҳисоблаш приборига тамға ўрнатиш Етказиб берувчи вакиллари билан бирга далолатнома тузган ҳолда Истеъмолчи иштирокида амалга оширилади.

3.14. Ҳисоблаш приборларининг, шу жумладан ўрнатилган тамғаларнинг сақланиши ва бутунлиги учун жавобгарлик Истеъмолчига юклатилади.

3.15. Ҳисоблаш прибори ўрнатилгандан сўнг Етказиб берувчи томонидан рўйхатга олинади.

3.16. Газ истеъмолини ҳисобга олиш приборларини алмаштириш, таъмирлаш, хизмат кўрсатиш, давлат қиёсловидан ўтказиш ва созлигини мониторинг қилиш учун ечиб олиш Етказиб берувчи вакиллари томонидан Истеъмолчи иштирокида амалга оширилади.

Бундай ҳолатда ҳисобга олиш прибори ўрнига текширилган бошқа ҳисобга олиш приборини ҳисоблагич эгаси ҳисобидан Етказиб берувчи ва Истеъмолчи иштирокида ўрнатилади.

3.17. Ҳисоблаш приборини давлат қиёсловидан ўтказиш муддати тугаганлиги сабабли ечиб олиш Етказиб берувчи вакиллари иштирокида давлат қиёсловидан ўтказиш муддати тугашидан камида бир кун аввал амалга оширилади.

3.18. Ҳисоблаш приборини созлигини мониторинг қилиш учун ечиб олиш Етказиб берувчи вакиллари талаби билан Истеъмолчи иштирокида амалга оширилади.

3.19. Шартноманинг 3.16-бандида қайд этилган ҳолатларда ечиб олинган ҳисоблаш приборини ўрнатиш учун Истеъмолчи сертификатда кўрсатилган кундан бошлаб икки кун ичида буюртма бериши лозим.

3.20. Шартноманинг 3.16-бандида кўрсатилган ҳолатлар бўйича ечиб олинган ҳисоблаш приборини ўрнатиш Истеъмолчининг буюртмасига кўра икки кун ичида Етказиб берувчининг вакиллари томонидан амалга оширилади ва тамғаланади.

3.21. Шартноманинг 3.18-бандида кўрсатилган ҳолатлар бўйича ечиб олинган ҳисоблаш прибори белгиланган талабларга мувофиқ бўлса, мониторинг тугаганидан сўнг кечиктирмасдан, дарҳол Етказиб берувчининг вакиллари томонидан Истеъмолчи иштирокида ўрнатилади ва тамғаланади.

Ҳисоблаш прибори белгиланган талабларга мувофиқ эмаслиги аниқланган тақдирда, мулкдор номувофиқликларни бартараф этишни таъминлаши шарт, шундан сўнг 3.19 ва 3.20-бандларга мувофиқ ўрнатилиши амалга оширилади.

3.22. Ҳисоблаш приборини мониторинг қилиш ёки текширув натижаларидан норози бўлган Истеъмолчи, белгиланган тартибда юқори турувчи орган ёки судга мурожаат қилиши мумкин.

3.23. Шартноманинг ҳар икки томони белгиланган қонунчиликка мувофиқ, Етказиб берувчининг ваколатли ходимига тегишли гувоҳнома кўрсатилган тақдирда сутканинг исталган вақтида ҳисоблаш приборларини монеликсиз кўздан кечириш учун кириш имкониятини таъминлаши шарт.

3.24. Етказиб берувчининг ваколатли ходимини ҳисоблаш приборларига қўймаслик ҳолати далолатнома билан расмийлаштирилади. Истеъмолчи мазкур далолатнома билан танишиши лозим. Истеъмолчи далолатномани имзолашни рад этган ҳолатда, далолатномада бу ҳақда қайд этилади. Истеъмолчи далолатномани имзолашни рад этиш сабабини баён қилиш ҳуқуқига эга, бу ҳақида далолатномага қайд этилади.

Далолатномага имзо қўйишни рад этиш Истеъмолчини газ тармоғидан узиб қўйиш учун асос бўлади ва бу ҳақида огоҳлантирилиши шарт.

IV. ЕТКАЗИБ БЕРИЛГАН ГАЗ УЧУН ҲИСОБ-КИТОБНИ АМАЛГА ОШИРИШ

4.1. Истеъмолчи ушбу шартнома асосида етказиб берилган газ учун тўловни амалга ошириши шарт.

4.2. Газ учун нархлар ваколатли орган томонидан амалдаги қонунчиликка мувофиқ белгиланади.

4.3. Истеъмолчи ҳисоб-китоб қилиш даври бошланишидан камида 5 кун олдин Етказиб берувчи ҳисоб рақамига ушбу шартноманинг 1.4 ва 1.5-бандларида кўрсатилган ойлик газ ҳажми қийматининг 70 фоиз суммасини олдиндан тўлайди.

Ҳисоб-китоб даври бошланишидан камида 5 кун олдин ҳисоб-китобни 50 фоиз олдиндан ҳақ тўлаш асосида амалга ошириш ҳоҳишини билдирган Истеъмолчи ҳисоб-китоб амалга ошириладиган даврни кўрсатиб етказиб берилган газ учун 50 фоиз олдиндан ҳақ тўлаш асосида ҳисоб-китоб қилиш тўғрисида Етказиб берувчига билдирги тартибида мурожаат қилишга ҳақлидир. Бундай ҳолатларда Истеъмолчи ҳисоб-китоб даври бошланишидан камида 5 кун олдин Етказиб берувчининг ҳисоб рақамига газ етказиб беришга тузилган шартномада кўрсатилган ойлик газ ҳажми қиймати суммасининг 50 фоизи миқдорида олдиндан ҳақ тўлашлари шарт. Амалда истеъмол қилинган газ ҳажми учун якуний ҳисоб-китоб ҳисобот ойининг охиригача амалга оширилади.

4.4. Истеъмолчига газ олдиндан тўловсиз етказиб берилмайди.

4.5. Олдиндан тўлов суммаси ўтказилмаган тақдирда, Истеъмолчига газ етказиб бериш амалга оширилмайди.

4.6. Истеъмолчи томонидан олинган газ учун узил-кесил ҳисоб-китоб қилиш ҳисоб-китоб ойидан кейинги ойнинг 10-кунигача амалга оширилади.

4.7. Газдан фойдаланишда Истеъмолчининг айби билан газ етказиб беришга шартномада кўрсатилган ҳажмдан кам фойдаланилган тақдирда, аванс тарзида тўланган маблағлар қайтарилмайди, кўрсатиб ўтилган маблағлар эса келгусида газдан фойдаланишда ҳисобга олинади.

4.8. Истеъмолчи томонидан газ етказиб бериш учун тузилган шартномада ҳисоб-китоб ойи давомида белгиланганидан кўп ҳажмда ва Етказиб берувчи билан олдиндан келишилмасдан газ олинган такдирда, Истеъмолчидан шартномадаги ҳажмлардан ортиқча олинган газ қийматига нисбатан 1,4 коэффициент билан оширилган тўлов ундирилади.

Бунда, газнинг ҳисобини юритилишида истеъмолчи айбдорлиги асослантирилиб камчиликлари аниқланганда, истеъмол қилинган газ ҳажмини ўрнатилган газ асбоб-ускуналарини тўлиқ қуввати бўйича қайта ҳисоб-китоб қилинган тақдирда, истеъмолчидан шартномадаги ҳажмлардан ортиқча олинган газ қийматига нисбатан 1,4 коэффициент билан оширилган тўлов ундирилмайди.

Навбатдаги ой (чорак) учун кўрсатилган газ ҳажмлари бўйича ушбу шартнома ўзгартирилишидан олдин Истеъмолчи Етказиб берувчига бу ҳақида ўн кундан кечикмай хабар берган тақдирда, бундай ҳолатлар ортиқча олинган миқдор деб ҳисобланмайди.

4.9. Газ учун истеъмолчининг тўлов муддати ўтган қарзи мавжуд бўлган тақдирда, унинг аванс тўлови ҳисобига ўтказилган маблағлари истеъмолчини хабардор қилган ҳолда, тўлов муддати ўтган қарзни тўлашга йўналтирилади ва аванс тўлови сифатида ҳисобга олинмайди.

4.10. Етказиб берувчи ва Истеъмолчи ўртасидаги ҳисоб-китоб ҳаққонийлигини таъминлаш учун ҳисобот даврида Газни етказиб бериш-қабул қилиш далолатномаси расмийлаштирилади.

Далолатномани расмийлаштиришда қуйидагилар инобатга олинади:

а) газ ҳисоблаш прибори кўрсаткичлари, автоматик тарзда тўғриланадиган газни ҳисоблаш приборидан ҳисобот даври учун олинган (кўчирма) архив маълумотлари;

б) истеъмолчи газ тармоқлари ва ГТШдаги технологик йўқотишларнинг ҳисобланган ҳажми кўрсатилган ҳолда расмийлаштирилган далолатнома.

4.11. Кўрсаткичлар олинганидан сўнг кейинги ойнинг 5-кунига қадар Етказиб берувчи томонидан ҳисоб-китоб ойи учун газ етказиб бериш ва қабул қилиш далолатномаси ва счет-фактура расмийлаштирилади.

4.12. Истеъмолчи ойнинг 7 кунидан кечиктирмасдан Етказиб берувчидан ҳисоб-китоб ойи учун газ етказиб бериш ва қабул қилиш далолатномасини ва счет-фактурани қабул қилиб олади ва имзолайди ҳамда бир нусхасини Етказиб берувчига жўнатади.

4.13. Газни етказиб бериш-қабул қилиш далолатномасини имзоламаслик ёки уни эътирозлар билан имзолаш Истеъмолчини кўрсатиб ўтилган табиий газ ҳажмлари учун тўловлардан озод қилмайди. Етказиб берилган ёки қабул қилинган газ миқдорини аниқлашдан норози бўлган томон далолатномада норозилик сабабларини мажбурий акс эттириш йўли билан ҳисоб-китоб қилиш ойи тугагандан кейин 10-кунгача бошқа томонга бу тўғрисида далолатноманинг бир нусхасини тақдим қилади. Ушбу масалани ўзаро ҳал этиш имконияти бўлмаганда, келишмовчилик сабаблари қонунчиликда белгиланган тартибда кўриб чиқилиши керак.

4.14. Газ учун амалдаги тарифлар (нархлар) ўзгарган ҳолатда, Етказиб берувчи бу ҳақидаги ахборотни ўн беш кун олдин оммавий ахборот воситалари орқали хабардор қилади. Газ учун тарифлар ўзгарганида, мазкур Шартнома ўз кучида қолади, истеъмол қилинган газ учун тўлов эса янги тариф асосида, у қонунда белгиланган татибда кучга кирганидан сўнг амалга оширилади.

Бунда истеъмолчи табиий газнинг аванс тариқасида тўланган ҳажми учун тўлов кунидан бошлаб кўпи билан кейинги 1 ой қўшимча тўлов тўлашдан озод қилинади.

Фойдаланилган газ учун тўлов суммаси газ истеъмолини ҳисобга олиш приборларидан кўрсатгичларни олиш вақтида амал қилинган тарифлар асосида ҳисобланади. Тарифлар ўзгарганда, аввал ҳисобланган сумма бўйича тарифлар ўзгаришига қадар тўлов амалга оширилмаган бўлса, қайта ҳисоб-китоб қилинмайдиган қарздорлик вужудга келган деб тан олинади.

V. ҲУҚУҚБУЗАРЛИКЛАР ВА ГАЗДАН НОҚОНУНИЙ

ФОЙДАЛАНИШ УЧУН ЖАВОБГАРЛИК

5.1. Газдан фойдаланишда Истеъмолчи томонидан 3.5-бандида кўрсатиб ўтилган ҳуқуқбузарликларга йўл қўйилиши, Етказиб берувчи ва Истеъмолчи вакиллари томонидан имзоланадиган ва икки нусхада тузиладиган далолатнома билан расмийлаштирилади.

5.2. Ушбу шартноманинг 5.1-бандига асосан расмийлаштирилган далолатномага мувофиқ Истеъмолчидан, Етказиб берувчи вакилининг сўнгги кўздан кечириш кунидан бошлаб, фойдаланган газ ҳажми қиймати (амалдаги тарифлар бўйича) ундирилади.

5.3. Бунда мазкур шартноманинг 5.2-бандида кўрсатилган ҳолатларда газ ҳажми қийматининг ундирилиши Истеъмолчини қонунчиликда белгиланган жавобгарликдан озод қилмайди.

VI. ТАРМОҚДАН УЗИБ ҚЎЙИШ ВА ҚАЙТА

УЛАНИШ ТАРТИБИ

6.1. Истеъмолчи газ тармоқларидан қуйидаги ҳолатларда узиб қўйилади:

–фойдаланилган газ учун ҳисоб-китоб ўз вақтида амалга оширилмаганлиги натижасида қарздорлик мавжуд бўлганда;

–Етказиб берувчининг қонунчиликда белгиланган кўрсатмалари бажарилмаганда, шу жумладан унинг вакиллари ҳисоблаш приборларидан кўрсаткични олишига қўйилмаганда;

–ҳисоблаш приборларига қасддан зарар етказилганда, прибор кўрсатгичларини ўзгартириш мақсадида уларнинг ишлашига тўсқинлик қилувчи хатти-ҳаракатлар амалга оширилган ва бошқа Табиий газдан фойдаланиш қоидаларини бузиш ҳолатларида;

–газни талон-тарож қилиш, газ тармоқларига ноқонуний уланиш ҳолатлари аниқланганда.

–ТГНҲАТ носоз ёки мавжуд бўлмаса.

6.2. Етказиб берувчи етказиб берилган газ учун қарздор бўлган Истеъмолчига қарзни беш кун ичида узиши лозимлиги ҳақида хабардор қилади.

Етказиб берувчи Истеъмолчини хабардор қилган вақтдан бошлаб беш кун муддат ўтгандан сўнг, Истеъмолчини дебитор қарздорлик учун газ тармоқларидан узиб қўйиш ва уларни қайтадан улашни қонунчилик ҳужжатларида белгиланган тартибда амалга оширади.

Қайта уланишда Истеъмолчидан тўлов куни амалда бўлган базавий ҳисоблаш миқдорининг ўн баравари миқдорида ҳақ ундирилади. Бунда, ТГНҲАТга уланган ҳамда ҳисобга олиш прибори автоматик тарзда ўчириб-ёқиш қурилмасига эга бўлган истеъмолчиларни газ тармоқларига қайта уланиши учун ҳақ ундирилмайди.

VII. ТАРАФЛАРНИНГ ҲУҚУҚЛАРИ ВА МАЖБУРИЯТЛАРИ.

7.1. Етказиб берувчи қуйидагиларга мажбур:

-ўзига қарашли бўлган газ тармоқларини соз ҳолатда сақлаш ва уларни ўз ҳисобидан таъмирлаш-тиклашга;

-ўз газ тармоқларининг техник ҳолатини ва уларда рухсатсиз уланишларни аниқлаш учун даврий кўздан кечиришга;

-газ етказиб бериш қисқартириш ёки тўхтатиш тўғрисида ушбу шартноманинг 2.4 ва 2.5-бандлари талабларига кўра Истеъмолчини хабардор қилишга;

-ўзбошимчалик билан уланиш ҳолатлари аниқланганда, газ тармоқлари моддий бойликларининг талон-тарож қилинганлиги тўғрисида ҳуқуқни муҳофаза қилиш органларини хабардор қилишга;

-истеъмолчига газ етказиб бериш шартномасида келишилган шартлар асосида газ етказиб беришга;

-ваколатли давлат органларининг мажбурий кўрсатмаларини бажаришга;

-қонунчилик ҳужжатларида белгиланган стратегик ва ижтимоий аҳамиятга эга бўлган истеъмолчиларни об-ҳаво совиб кетиши даврида табиий газ билан узлуксиз таъминлаш мақсадида ушбу шартноманинг 2.5-банди талабларидан келиб чиққан ҳолда табиий газни қисқартириш ёки тўхтатиб қўйишга.

Етказиб берувчи Қонунчиликка мувофиқ бошқа мажбуриятларга ҳам эга бўлиши мумкин.

Етказиб берувчининг бошқа мажбуриятлари

7.2. Етказиб берувчи қуйидаги ҳуқуқларга эга:

-истеъмолчини белгиланган тартибда ушбу шартноманинг 2.4 ва 2.5-бандлари талабларига мувофиқ хабардор қилган ҳолда, газни етказиб беришни қисқартириш ёки тўхтатиш;

-ўзбошимчалик билан уланиш ҳолатлари аниқланганда, уларни газ тармоғидан узиб қўйиш;

-истеъмолчилардан Табиий газдан фойдаланиш қоидалари ва газни етказиб бериш шартномаси талабларига риоя этишини талаб қилиш;

-шартномани қонунчилик ҳужжатларига мувофиқ бир томонлама бекор қилиш;

-газ тармоқларида авариянинг олдини олиш ёки бартараф этиш юзасидан кечиктириб бўлмайдиган чораларни кўриш зарурати юзага келганда, истеъмолчи билан келишмасдан ва уни огоҳлантирмасдан ҳамда зудлик билан хабардор қилган ҳолда, табиий газни етказиб беришни тўхтатиш ёки чеклаш.

Етказиб берувчининг бошқа ҳуқуқлари

7.3. Истеъмолчи қуйидагиларга мажбур:

-газдан оқилона ва самарали фойдаланишга;

-ҳар ойнинг 5-санасигача Етказиб берувчига унинг вакили билан бирга электрон газ ҳисобдонини архив маълумотлари (распечатка) ёки газни ҳисобга олиш приборларининг кўрсаткичларини тақдим этишга;

-тасарруфидаги газ қувурлари ва ускуналарини техник жиҳатдан соз ҳолатда сақлашга;

-газ тармоқларида ёки газдан фойдаланиш ускунасида вужудга келган табиий газ сизиб чиқиши ҳолати ҳақида газ таъминоти ташкилоти диспетчерлик хизматларини зудлик билан хабардор қилишга;

-ўзининг газ тармоқлари дахлсизлигини таъминлаш ва эҳтимоли бўлган рухсатсиз уланишларни аниқлаш мақсадида уларни ва улардаги ускуналарни мунтазам равишда кўздан кечириб чиқишга;

-газ таъминоти ташкилотлари газ тармоқларига сертификатланмаган, газлаштириш лойиҳасига (кейинги ўринларда ЛТҲ деб аталади)мувофиқ бўлмаган газдан фойдаланиш ускунасининг уланишига йўл қўймасликка;

-газ таъминоти ташкилоти вакилларининг (тегишли гувоҳнома кўрсатилган тақдирда) газни истеъмол қилишни ҳисобга олиш приборларини ва/ёки газдан фойдаланиш ускунасини куннинг исталган вақтида эркин кўздан кечиришини таъминлашга;

-газдан фойдаланиш ускунасидаги носозликларни (бундай турдаги ишларни бажариш ҳуқуқига эга бўлган ихтисослаштирилган бригадалар ёки ходим ёрдамида) бартараф этишга;

-газ истеъмолини ҳисобга олиш приборлари кўрсаткичларини ўзгартириш мақсадида уларнинг ишлашига тўсқинлик қилувчи ҳаракатларни амалга оширмасликка, уларнинг қасддан бузилишига йўл қўймасликка ва ўрнатилган тамғаларнинг бутунлигини таъминлашга;

-газ истеъмолини ҳисобга олиш приборлари ишидаги носозлик аниқланган тақдирда, 24 соат ичида газ таъминоти ташкилотини ўзи учун қулай шаклда дарҳол хабардор қилишга;

Истеъмолчининг бошқа мажбуриятлари

7.4. Истеъмолчи Етказиб берувчидан қуйидагиларни талаб қилиш ҳуқуқига эга:

-етказиб берилган газнинг аниқланган ҳажмига ва бошқа параметрларига норози бўлган тақдирда, Етказиб берувчининг газ истеъмолини ҳисобга олиш приборлари ишлашининг ишончлилигини текшириш учун комиссия ташкил этиш;

-табиий газнинг стандартлаштириш бўйича норматив ҳужжатларда кўзда тутилган сифатда ва етказиб бериш режимига риоя қилган ҳолда узатилиши;

-шартнома бекор қилинганда, фойдаланилмаган газ ҳажми учун тўланган суммани қайтариш;

-шартномани қонунчилик ҳужжатларига мувофиқ бир томонлама бекор қилиш;

-газни етказиб бериш тўхтатилганда, зарарни қоплашни талаб қилиш;

-газ етказиб беришни вақтинча тўхтатишни.

Истеъмолчи қонунчилик ҳужжатларида белгиланган бошқа ҳуқуқларга эга бўлиши мумкин.

Истеъмолчининг бошқа ҳуқуқлари

VIII. ТАРАФЛАРНИНГ МОДДИЙ ЖАВОБГАРЛИГИ

8.1. Етказиб берувчи Истеъмолчига шартномага асосан газ етказиб бермаган ёки тўлиқ етказиб бермаганлиги оқибатида етказилган аниқ зарар ва бой берилган фойдани белгиланган тартибда қоплайди.

8.2. Етказиб берувчи томонидан шартнома мажбуриятлари бажарилмаслиги натижасида Истеъмолчига моддий зарар етказилганда, Истеъмолчи Етказиб берувчининг мансабдор шахсига нисбатан белгиланган тартибда жарима қўллаш бўйича судга мурожаат этиш ҳуқуқига эга.

8.3. Шартномада кўрсатилган ҳажмдан кам ҳажмда газ етказиб берилган тақдирда, Етказиб берувчига нисбатан амалдаги қонунчиликда белгиланган тартиб асосида жарима санкциялари қўлланилади, қуйидаги ҳолатлар бундан мустасно:

а) форс-мажор ҳолатлар;

б) газ тармоқларида авария ҳолатлари;

в) қиш даврида вақтинча газ етказиб беришни белгиланган тартибда чеклаш жорий этилганда (Ўзбекистон Республикаси Вазирлар Маҳкамасининг 2008 йил 24 декабрдаги277-сон қарори, шунингдек, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари қарорлари билан тасдиқланган газ етказиб бериш тармоғидан узиб қўйилмайдиган объектлар рўйхатига киритилган корхоналардан ташқари).

8.4. Етказиб берилган газнинг сифати шартнома ёки норматив ҳужжатлар талабларига мос келмаганда, Истеъмолчи газ қабул қилиш ёки унинг учун ҳақ тўлашни рад этганда Етказиб берувчидан етказиб берилган сифати зарур даражада бўлмаган газ ҳажми қийматининг 20 фоизи миқдорида жарима тўлашни талаб қилиш ҳуқуқига эга. Агар, газ қиймати тўланган бўлса, Истеъмолчи Етказиб берувчидан белгиланган тартибда тўланган суммани қайтаришни талаб қилиш ҳуқуқига эга.

8.5. Етказиб берувчи томонидан шартномада кўрсатилган ҳажмлардан кам газ етказиб берилганда, Етказиб берувчи Истеъмолчига муддати ўтган ҳар бир кун учун мажбуриятларнинг бажарилмаган суммасининг 0,5 фоизи миқдорида, бироқ етказиб берилмаган газ қийматининг 50 фоизидан ошмайдиган миқдорда пеня тўлайди.

8.6. Шартномада кўрсатиб ўтилган муддатларда етказиб берилган газ ҳақи ўз вақтида тўланмаган тақдирда, Истеъмолчи муддати ўтган ҳар бир кун учун муддати ўтган тўлов суммасининг 0,4 фоизи миқдорида, бироқ муддати ўтган тўлов суммасининг 50 фоизидан ошмайдиган миқдорда пеня тўлайди.

IХ. КОРРУПЦИЯГА ҚАРШИ ШАРТЛАШУВ

9. Ушбу шартноманинг ҳар бир томони ўзига нисбатан қўлланиладиган барча, шу жумладан Ўзбекистон Республикаси амалдаги қонунчилик ва норматив ҳужжатларидаги Коррупцияга қарши тегишли шартлар ва талабларни тушуниши ҳақида бир-бирини ишонтиради ва уларга амал қилишини кафолатлайди.

Истеъмолчи ушбу шартнома амалда бўлган бутун давр мобайнида у (шунингдек унинг мансабдор шахслари, директори, ходимлари, агентлари ва бошқа вакиллари) Етказиб берувчининг манфаатларида унинг агенти ёки вакили сифатида ҳаракат қилиб, Етказиб берувчининг ҳамда Ўзбекистон Республикаси амалдаги қонунчилик ва норматив ҳужжатларининг Коррупцияга қарши тегишли шартлари ва талабларига қатъий риоя этиш мажбуриятини олади.

Х. НИЗОЛАРНИ ҲАЛ ЭТИШ ТАРТИБИ

10.1. Келишмовчиликлар ва низоли масалалар юзага келган тақдирда томонлар қонунчилик талабларига кўра, уларни судгача ҳал этиш чораларини кўрадилар.

Келишмовчиликлар ва низоли масалаларни ҳал этиш учун тарафлар белгиланган тартибда ваколатли органларга ёки судга мурожаат қилишга ҳақлидир.

10.2. Шартнома шартларини бир томонлама рад этиш ва бир томонлама ўзгартиришга йўл қўйилмайди, қонунда белгиланган ҳолатлар бундан мустасно.

ХI. ФОРС-МАЖОР ҲОЛАТЛАР

11.1. Томонлар уларнинг хоҳиш ва ҳаракатларига боғлиқ бўлмаган табиий офатлар ёки ижтимоий-иқтисодий вазиятлар сабабли ушбу шароитларда қайтариб бўлмайдиган ва олдиндан билиб бўлмайдиган фавқулодда ҳолатларни ўз ичига олган енгиб бўлмас куч (форс-мажор) оқибатида ўз зиммасига олинган мажбуриятларни бажара олмаса, томонлардан ҳеч бири ўз мажбуриятларини тўлиқ ёки қисман бажармагани учун жавоб бермайди.

11.2. Агар кўрсатилган форс-мажор ҳолатлари мажбуриятларнинг шартномада белгиланган муддатларда бажарилишига таъсир қилса, у ҳолда ушбу муддатлар форс-мажор ҳолатларининг амал қилиш вақтига, аммо табиий таъминоти шартномасининг амал қилиш муддатидан кўп бўлмаган вақтга узайтирилади.

XII. ШАРТНОМАНИНГ АМАЛ ҚИЛИШИ

12.1. Ушбу шартномага киритиладиган ҳар қандай ўзгартириш ва қўшимчалар ёзма равишда расмийлаштирилган ва томонлар ўртасида имзоланган бўлиши лозим.

12.2. Ушбу шартнома Шартноманинг амал қилиш муддати тугайдиган кунгача бўлган муддатга тузилади. Шартноманинг амал қилиш муддати тугаши муносабати билан томонлардан ҳеч бири уни бекор қилиш ҳақида мурожаат қилмаган тақдирда, шартнома кейинги йилга узайтирилган ҳисобланади.

12.3. Томонларнинг ушбу шартнома бўйича даъволари даъво қабул қилинган кундан бошлаб 30 кун мобайнида кўриб чиқилади.

Томонлар ўртасидаги ўзаро келишувга асосан ҳал этилмаган низолар жавобгарнинг жойлашган жойидаги Иқтисодий суд томонидан ҳал қилинади.

XIII. ШАРТНОМАНИНГ ЎЗГАРТИРИШ ВА БЕКОР ҚИЛИШ ТАРТИБИ

13.1 Фуқаролик кодексида, бошқа қонунларда ёки мазкур шартномада бошқача тартиб назарда тутилган бўлмаса, шартнома тарафларнинг келишувига мувофиқ ўзгартирилиши ва бекор қилиниши мумкин.

Тарафлардан бирининг талаби билан шартнома суд томонидан фақат қуйидаги ҳолларда ўзгартирилиши ёки бекор қилиниши мумкин:

а) иккинчи тараф шартномани жиддий равишда бузса;

б) Фуқаролик Кодекси, бошқа қонунлар ва шартномада назарда тутилган ўзга ҳолларда.

Тарафлардан бирининг шартномани бузиши иккинчи тарафга у шартнома тузишда умид қилишга ҳақли бўлган нарсадан кўп даражада маҳрум бўладиган қилиб зарар етказиши шартномани жиддий бузиш ҳисобланади.

Бир тараф шартномани бажаришдан тўла ёки қисман бош тортиб, қонун ёҳуд тарафларнинг келишувида бунга йўл қўйилса, шартнома тегишлича бекор қилинган ёки ўзгартирилган ҳисобланади.

13.2 Фуқаролик Кодексининг 455, 476-моддаларида назазарда тутилган асосларга кўра табиий газ етказиб бериш Етказиб берувчи бир томонлама бекор қилишга хақли.

13.3 Шартномани амал қилиш даврида шартнома VI-бўлимида назарда тутилган бандларини бир неча бор бузиш ҳолатларида бекор қилиниши мумкин.

13.4. Истеъмолчи томонидан шартноманинг 13.1–бандида кўрсатилган қоида–бузарликлар бартараф этилиб, ушбу қоидабузарликлар натижасида етказилган зарар тўлиқ қопланганидан сўнг, истеъмолчи билан газ етказиб бериш шартномаси тузилади.

XIV. ЯКУНИЙ ҲОЛАТЛАР

14.1. Ушбу шартнома шартларида назарда тутилмаган ҳолатлар ва ўзаро келиб чиқадиган низолар Вазирлар Маҳкамасининг 2018 йил 12 январдаги 22-сонли қарори билан тасдиқланган Табиий газдан фойдаланиш қоидаларига ва амалдаги норматив-ҳуқуқий ҳужжатлар талабларига мувофиқ тартибга солинади.

14.2. Ушбу шартнома Шартноманинг варақлари сони варақдан иборат бўлиб, бир хил юридик кучдаги икки нусхада тузилган ва ҳар бир томонда бир нусхадан сақланади.

XIII. ТОМОНЛАРНИНГ БАНК РЕКВИЗИТЛАРИ ВА МАНЗИЛИ:

Юрист маслаҳатчи хулосаси:

___________________________________________________________________

___________________________________________________________________

___________________________________________________________________

___________________________________________________________________

___________________________________________________________________

____________________________

20___й. “____” ___________даги

______-сонли шартномага

ИЛОВА

Фойдаланишга қабул қилинган газ истеъмол қилиш қурилмалари

РЎЙХАТИ

Келишилган: