Санитар тозалаш бўйича ихтисослаштирилган корхоналар билан

юридик ташкилотлар ўртасида маиший чиқиндиларни тўплаш ва олиб чиқиб кетиш хизматлари кўрсатишга оид

НАМУНАВИЙ ШАРТНОМА

Шартнома тузилган вақт Шартнома рақами – сон Шартнома тузилган жой

Келгусида «Хизмат кўрсатувчи» деб аталувчи юридик шахс Хизмат кўрсатувчи юридик шахснинг номи ва ташкилий-ҳуқуқий шакли номидан иш юритувчи раҳбари Хизмат кўрсатувчи юридик шахс раҳбарининг фамилияси, исми, отасининг исми бир томондан ва келгусида «Буюртмачи» деб аталувчи юридик шахс Буюртмачи юридик шахснинг номи ва ташкилий-ҳуқуқий шакли номидан иш юритувчи раҳбари Буюртмачи юридик шахс раҳбарининг фамилияси, исми, отасининг исми иккинчи томондан биргаликда (кейинги ўринларда Томонлар деб аталади) ушбу шартномани қуйидагилар тўғрисида туздилар:

Ўзбекистон Республикасининг алоҳида ҳудудлари бўйича тасдиқланган қаттиқ маиший чиқиндиларнинг (кейинги ўринларда – ҚМЧ деб аталади) тўпланиш меъёрларига, мувофиқ Хизмат кўрсатувчи томонидан Буюртмачида тўпланадиган ва амалда олиб чиқиб кетиладиган ҚМЧларнинг йиллик миқдори Қаттиқ маиший чиқиндиларнинг йиллик миқдори куб метрдакуб метр этиб белгиланди, бунда, хизмат ҳақи тўловлари белгиланган тартибда келишилган режа-жадвалга мувофиқ амалда (ҳақиқатда) олиб чиқиб кетилган ҚМЧ миқдорлари учун тўланади.

1. Шартноманинг мавзуси

1.1. Қуйидагилар шартноманинг мавзуси ҳисобланади:

Хизмат кўрсатувчи томонидан ўзига тегишли бўлган махсус техникалар ва ишчи кучлари (инсон ресурслари) билан ўзига бириктирилган объектда фаолият юритувчи Буюртмачи томонидан тўпланадиган ва амалда олиб чиқиб кетиладиган маиший чиқиндиларни санитария нормалари, қоидалари ва гигиена нормативлари асосида ортиш ва олиб чиқиб кетиш бўйича хизмат кўрсатиш фаолиятини амалга ошириш;

Томонлар ўртасидаги ўзаро ҳуқуқ ва мажбуриятларни белгилаш;

Томонлар ўртасида маиший чиқиндиларни тўплаш ва олиб чиқиб кетиш бўйича хизмат кўрсатиш инфратузилмасини амалдаги санитария нормалари, қоидалари ва гигиена нормативлари асосида такомиллаштириш ва ривожлантириш;

Хизмат кўрсатувчи томонидан Буюртмачига маиший чиқиндиларни тўплаш ва олиб чиқиб кетиш бўйича кўрсатилган хизматлар ҳақини белгиланган тартибда тасдиқланган тарифлар асосида тўланиши тартиби ва муддатларини белгилаш;

Томонлар ўртасида вужудга келиши мумкин бўлган низоларни ҳал қилиш тартибини белгилаш.

2. Томонларнинг ҳуқуқ ва мажбуриятлари

2.1. Хизмат кўрсатувчининг мажбуриятлари:

маиший чиқиндиларни Буюртмачи билан келишилган режа-жадвалга мувофиқ белгиланган муддатларда ва сифатли йиғиб олиб чиқиб кетиш учун етарли миқдорда махсус транспорт воситалари, махсус техникалар ва ишчи кучларига эга бўлиш;

ҚМЧларни Буюртмачи билан келишилган режа-жадвалга мувофиқ Буюртмачига тегишли ҳудуддаги санитария нормалари, қоидалари ва гигиена нормативлари асосида ўрнатилган контейнерлар ва махсус чиқинди қутилардан мунтазам равишда олиб чиқиб кетилишини таъминлаш;

маиший чиқиндиларни санитария нормалари, қоидалари ва гигиена нормативлари асосида йиғиб олиб чиқиб кетилишида сифатли хизмат кўрсатилишини таъминлаш;

маиший чиқиндиларни тўплаш ва олиб чиқиш бўйича хизматлар кўрсатишнинг режими ва сифати бўйича Буюртмачиларнинг мурожаатлари, шунингдек, уларнинг ижроси ҳисобини олиб бориш;

ҚМЧларни ортиш ва олиб чиқиб кетилишида Буюртмачига тегишли бўлган чиқинди контейнерлари ва махсус чиқинди қутиларининг бус-бутунлигини, техник ҳолатига зарар етказилмаслигини таъминлаш;

маиший чиқиндиларни йиғиш ва олиб чиқиб кетиш хизмати учун белгиланган тарифлар ўзгарган ҳолларда бу ҳақда Буюртмачини камида бир ой олдин хабардор қилиш.

Буюртмачиларнинг маълумотлар базасини юритиш ва мунтазам равишда янгилаб бориш.

2.2. Хизмат кўрсатувчининг ҳуқуқлари:

Буюртмачига тегишли ҳудудларда санитария нормалари, қоидалари ва гигиена нормативлари асосида контейнерлар ва махсус чиқинди қутилари белгиланган тартибда ўрнатилишини Буюртмачидан талаб қилиш;

махсус транспорт воситалари, махсус техникалар ва ишчиларнинг чиқинди контейнерлари ва махсус чиқинди қутилари жойлашган объектларга бевосита кириб борилишини Буюртмачидан талаб қилиш;

йирик габаритли қурилиш чиқиндилари ва бошқа чиқиндиларни алоҳида тўлов эвазига олиб чиқиш бўйича қўшимча хизматлар кўрсатиш;

маиший чиқиндиларни йиғиш ва олиб чиқиб кетиш бўйича кўрсатилган хизматлар ҳақини ўз муддатида тўланишини Буюртмачидан талаб қилиш.

Хизмат кўрсатувчи қонун ҳужжатларига мувофиқ бошқа ҳуқуқларга ҳам эга бўлиши мумкин.

2.3. Буюртмачининг мажбуриятлари:

Ўзига тегишли ҳудудда ўз ҳисобидан санитария нормалари, қоидалари ва гигиена нормативлари асосида контейнерлар ва махсус чиқинди қутилари ўрнатиш;

чиқинди контейнерлари ва махсус чиқинди қутиларини жойлаштиришда махсус транспорт воситалари, махсус техникаларнинг ортиш жойига бемалол (бевосита) кириб бориши ва ишчилар учун қулай иш шароитлари бўлишини таъминлаш;

ўзига тегишли ҳудудда маиший чиқиндиларни тўплаш ва олиб чиқиб кетиш бўйича хизматлар кўрсатиш фаолиятини амалга оширишда Хизмат кўрсатувчига кўмаклашиш;

чиқинди контейнерлари ва махсус чиқинди қутиларини тозалаш ва белгиланган тартибда дезинфекция ишлари ўтказилишини таъминлаш;

ҚМЧларни чиқинди контейнерлари ва чиқинди қутиларида белгиланган тартибда алоҳида саралаб йиғиш тамойили асосида йиғишни, шунингдек, қурилиш чиқиндилари ва йирик габаритли чиқиндиларни алоҳида йиғилишини таъминлаш;

ҳисобот ойидан кейинги ойнинг 4-кунидан кечиктирмай, амалда бажарилган иш ҳажмларини тасдиқловчи далолатномаларини тузиш;

ҳар ойнинг 10-кунига қадар Хизмат кўрсатувчининг ҳисоб рақамига шартнома қиймати ҳажмининг 15% миқдорида аванс тўловларини амалга ошириш. Томонларнинг келишувига кўра ойнинг 10-кунидан олдин 100% олдиндан тўлов варианти қабул қилиниши мумкин.

2.4. Буюртмачининг ҳуқуқлари:

Хизмат кўрсатувчи томонидан шартнома мажбуриятларининг бажарилишини мониторинг қилиш (шу жумладан, чиқинди ташиш машиналари ҳаракатини реал вақт режимида автоматлаштирилган кузатиш тизими (ГПС)дан фойдаланган ҳолда);

маиший чиқиндиларни олиб чиқиб кетиш жадвалига риоя этилишини талаб қилиш;

хизматлар кўрсатиш жараёнида Хизмат кўрсатувчи айби билан юзага келган камчиликларнинг бепул бартараф этилишини талаб қилиш;

муайян даврда ёки бириктирилган ҳудуддаги муайян белгиланган жойларда маиший чиқиндиларни олиб чиқиб кетиш бўйича хизматлар кўрсатилмаган ёки қисман кўрсатилмаган тақдирда хизматлар қийматини тўламаслик ёки қисман тўламаслик;

ҳар ойда амалда бажарилган ишлар/хизматлар миқдорини тасдиқловчи далолатномаларни белгиланган муддатларда талаб қилиш;

ушбу шартнома бўйича мажбуриятларнинг бажарилиши билан боғлиқ ҳужжатлар ва маълумотларни тақдим этилишини талаб қилиш;

кўрсатилган хизматлар натижадорлигини баҳолашни амалга ошириш;

Хизмат кўрсатувчининг маиший чиқиндиларни тўплаш ва олиб чиқиб кетиш бўйича хизмат кўрсатиш тарифларига ўзгартириш киритиш тўғрисидаги (асосли ҳисоб-китобларни тақдим этган ҳолда) ҳисоб-китобларини қонун ҳужжатларида белгиланган тартибда ва муддатларда кўриб чиқиш.

3. Кўрсатиладиган хизматлар учун ҳисоб-китоб қилиш тартиби

3.1. Маиший чиқиндиларни тўплаш ва олиб чиқиб кетиш бўйича қуйидаги хизмат кўрсатиш тариф турлари қўлланади:

3.2. Ҳисобот ойида амалга оширилган иш ҳажмлари учун тўловлар Буюртмачи томонидан тўлов-фактура қабул қилинган кундан кейин амалга оширилади. Бунда, Буюртмачи Хизмат кўрсатувчига олдиндан пул ўтказиб, кейинчалик амалда бажарилган иш ҳажмлари учун тўловларни тегишли далолатномалар орқали ҳисоб-китобини юритиши мумкин.

3.3. Тўловлар белгиланган муддатларда тўланмаган ҳолларда Буюртмачи шартномада кўрсатилган муддатдан кечиктирилган ҳар бир кун учун белгиланган муддатда тўланмаган сумманинг 0,4% миқдорида, лекин кечиктирилган тўлов суммасининг 50% дан ошмаган миқдорида пеня тўлайди.

4. Томонларнинг жавобгарлиги

4.1. Шартнома бўйича шартнома мажбуриятлари Томонлар тарафидан бажарилмаган ёки нотўғри бажарилиб, томонлардан бирига зарар етказилган тақдирда, айбдор томон етказилган барча зарарларни тасдиқланган ҳужжатлар асосида тўлиқ қоплайди.

4.2. Ушбу шартнома бўйича зиммасига олинган мажбуриятларнинг бажарилмаслиги ёки лозим бўлган даражада бажарилмаганлиги учун Томонлар қонун ҳужжатлари ва ушбу шартномага мувофиқ жавоб берадилар.

5. Шартномани ўзгартириш ва бекор қилиш

5.1. Ушбу шартномани ўзгартириш ва бекор қилиш Томонларнинг розилиги бўйича ёки форс-мажор ҳолати вужудга келганда амалга оширилади.

5.2. Ушбу шартномага барча ўзгартириш ва қўшимчалар қўшимча келишувлар тузиш орқали ёзма шаклда расмийлаштирилади.

5.3. Томонлар келиша олмаган тақдирда, ушбу шартномага барча ўзгартириш ва қўшимчалар ёки бекор қилиш қонун ҳужжатларида белгиланган тартибда амалга оширилади.

5.4. Томонлар қонун ҳужжатларида белгиланган тартибда шартномани бекор қилиш тўғрисидаги талаб билан судга мурожаат қилишга ҳақлидирлар.

5.5. Шартномани бир томонлама бекор қилиш ташаббуси қуйидаги ҳолатларда йўл қўйилади:

томонлардан бири томонидан шартнома шартларининг сурункали бажарилмаслиги туфайли;

томонлардан бири фаолиятининг қонун ҳужжатларида белгиланган тартибда тўхтатилиши ёки тўхтатиб қўйилиши ҳолларида;

ўз фаолиятини тўхтатиш мақсади тўғрисида фаолиятнинг тўхтатилиши кутилаётган санадан уч ой олдин Буюртмачини хабардор қилган ҳолда, Хизмат кўрсатувчи ташкилотнинг ташаббуси билан.

5.6. Ушбу шартномани бекор қилиш ташаббуси билан чиққан Томон иккинчи томонга бу тўғридаги бевосита топшириш, почта алоқаси ёки электрон шаклда, уларни олганлиги тўғрисидаги хабарнома юбориш орқали ёзма билдиришнома юборади.

6. Низоларни ҳал қилиш тартиби

6.1. Ушбу шартнома доирасида келиб чиқадиган низолар Томонларнинг ўзаро келишуви бўйича ҳал этилади.

6.2. Келишув билан ҳал этилмаган низолар қонун ҳужжатларида белгиланган тартибда суд орқали ҳал этилади.

7. Шартноманинг амал қилиш муддати

7.1. Ушбу шартнома имзоланган пайтдан бошлаб кучга киради ва Шартноманинг амал қилиш муддати гача амал қилади.

7.2. Шартнома муддати тугагач, шартномада назарда тутилган мажбуриятлар қониқарли бажарилган тақдирда шартноманинг амал қилиш муддати Томонларнинг келишуви бўйича узайтирилади.

7.3. Шартноманинг амал қилиш муддати давомида томонларнинг келишувига мувофиқ ушбу шартномага унинг ажралмас қисмини ташкил этадиган илова сифатида қўшимчалар киритилиши мумкин.

8. Енгиб бўлмайдиган куч

(форс-мажор) ҳолати

8.1. Томонлар ушбу шартнома бўйича бирон-бир мажбуриятнинг бажарилмаслиги ёки лозим бўлмаган даражада бажарилганлиги учун, агар бундай мажбуриятларнинг бажарилмаслигини ёки лозим бўлмаган даражада бажарилганлигини енгиб бўлмайдиган куч ҳолати келтириб чиқарган тақдирда, жавоб бермайдилар.

8.2. Енгиб бўлмайдиган куч ҳолатларига Томонларнинг ушбу шартнома бўйича мажбуриятларини бажаришига бевосита таъсир кўрсатган, мазкур шароитларда фавқулодда ва кутилмаган вазиятлар киради. Келтирилган рўйхат тўлиқ ҳисобланмайди. Бундай вазиятларга бозорда ишларни амалга ошириш учун зарур хизматлар ёки материаллар мавжуд эмаслиги ёки етишмаслигига тааллуқли ҳолатлар кирмайди.

8.3. Томон дарҳол (ёки бошланган санадан бошлаб уч календарь кунидан кечикмай) форс-мажор ҳолатининг бошланиш санаси ва тавсифини аниқлаштирувчи ёзма равишда бевосита топшириш, почта алоқаси ёки электрон шаклда, уларни олганлиги тўғрисидаги хабарнома юбориш орқали хабар беради.

8.4. Форс-мажор ҳолатлари вужудга келган тақдирда, Томонлар дарҳол юзага келган вазиятдан чиқиш йўлларини қидириш учун музокаралар олиб борадилар ва бундай ҳолатларнинг оқибатларини камайтириш учун барча воситаларни қўллайдилар.

8.5. Ушбу шартнома бўйича ишларнинг форс-мажор ҳолатлари туфайли тўлиқ ёки қисман тўхтатилишида мазкур ишларни олиб бориш даври форс-мажорнинг амал қилиш муддатига узайтирилади ва форс-мажор тугаган вақтдан бошлаб давом эттирилади.

9. Якунловчи қоидалар

9.1. Ушбу шартнома бир хил юридик кучга эга бўлган 2 асл нусхада тузилди. Бир нусхаси Буюртмачида, иккинчиси Хизмат кўрсатувчида сақланади.

9.2. Ушбу шартнома иловалари ва қўшимча келишувлар унинг ажралмас қисми ҳисобланади.

ТАРАФЛАРНИНГ РEКВИЗИТЛАРИ