Ulgurji isteʼmolchilarga elektr energiyasi yetkazib berish

namunaviy shartnomasi

Isteʼmolchining shaxsiy hisob-raqami: Isteʼmolchining shaxsiy hisob-raqami

“Taʼminotchining to‘liq nomi va tashkiliy huquqiy shakli”nomli Taʼminotchi korxonasi xizmat ko‘rsatadigan tuman yoki shahar nomi elektr taʼminoti korxonasida Taʼminotchi korxona rahbariga shartnoma tuzish huquqini beruvchi hujjat berilgan sanada roʻyxatdan oʻtkazilgan Taʼminotchi tashkilot vakiliga shartnoma tuzish huquqini beruvchi hujjat asosida faoliyat yurituvchi rahbari Taʼminotchi tashkilot rahbarining F.I.O.si(keyingi oʻrinlarda Taʼminotchi korxona deb ataladi) bir tomondan hamda ikkinchi tomondan Ulgurji isteʼmolchi (keyingi oʻrinlarda Isteʼmolchi deb ataladi) Isteʼmolchining to‘liq nomi tashkiliy huquqiy shakli rahbari Isteʼmolchi tashkilot rahbarining F.I.O.si.si bilan Shartnomani quyidagilar haqida tuzdilar:

I. SHARTNOMA PREDMETI

1. Ushbu elektr energiyasi taʼminoti shartnomasiga (keyingi oʻrinlarda – Shartnoma deb ataladi) muvofiq, Taʼminotchi korxona Isteʼmolchiga elektr energiyasini ulangan tarmoq orqali yetkazib berish va Isteʼmolchi isteʼmol qilingan energiya uchun oʻz vaqtida haq toʻlash majburiyatini oladi.

II. YETKAZIB BERILGAN ELEKTR ENERGIYANI HISOBGA OLISH

2.1. Elektr energiyasi isteʼmolining yillik shartnomaviy hajmi:

aktiv energiyasi Isteʼmolchining yillik isteʼmol qiladigan aktiv energiyasi hajmi kVt*soat;

reaktiv energiyasi Isteʼmolchining yillik isteʼmol qiladigan reaktiv energiyasi hajmi kVar*soat.

2.2. Yetkazib beriladigan elektr energiyaning shartnoma tuzilgan kunidagi narxi Elektr energiyasining shartnoma tuzilgan vaqtdagi narxi soʻmni, tarif boʻyicha Elektr energiyasining shartnoma tuzilgan vaqtdagi tarif bo‘yicha narxi soʻmni tashkil etadi. Tarif turlari Elektr energiyasining tarif turi

2.3. Isteʼmolchiga yetkazib beriladigan elektr energiyasining oylar kesimidagi yillik hajmi ushbu Shartnomaga 1-ilovasiga muvofiq belgilanadi.

Taʼminotchi korxona tomonidan xizmatlarni toʻliq hajmda koʻrsatish uchun elektr taʼminotida tanqislik yuzaga kelgan taqdirda, Vazirlar Mahkamasining

2008-yil 24-dekabrdagi 277-son qarorida qayd etilgan strategik va ijtimoiy ahamiyatga ega isteʼmolchilarga zarur boʻlgan elektr energiyasining minimal hajmini, shu jumladan choraklar va oylar boʻyicha Isteʼmolchi bilan belgilangan va oldindan kelishilgan tartibda yetkazib berilishini taʼminlashi shart (7-ilova).

2.4. Isteʼmolchi tomonidan isteʼmol qilingan elektr energiyasining haq toʻlanishi lozim boʻlgan hajmi ushbu Shartnomaga 2-ilovada nazarda tutilgan hisobga olish priborlarining koʻrsatkichlari asosida, hisobga olish priborlari ulangan tok va kuchlanish transformatorlarining transformatsiya koeffitsiyentlarini inobatga olgan holda aniqlanadi.

2.5. Isteʼmolchining (tadbirkorlik subyektlaridan tashqari) elektr energiyasini hisobga olish priborlari, shuningdek elektr energiyasini hisobga olishning boshqa vositalari isteʼmolchining mablagʻlari hisobiga sotib olinadi, davlat qiyoslovidan oʻtkaziladi, Taʼminotchi korxona tomonidan bepul oʻrnatiladi, plombalanadi va roʻyxatdan oʻtkaziladi.

Tadbirkorlik subyektlarining elektr energiyasini hisobga olish elektron asboblarini sotib olish, oʻrnatish, roʻyxatga olish, davriy davlat qiyoslovidan oʻtkazish va plombalash, shuningdek, mavjud (jumladan, induksion) hisobga olish priborlari hududiy elektr tarmoqlari korxonasi mablagʻlari hisobidan almashtiriladi.

Hisobga olish Isteʼmolchining aybi bilan buzilgan taqdirda (tok va kuchlanishni oʻlchash transformatorlarining ishdan chiqishi, shuningdek ikkilamchi kommutatsiya, hisobga olish priborlarining shikastlanishi va ularning yoʻqolishi) hisobga olish nazorat qilish asboblarini va ularga tegishli asbob-uskunalarni almashtirish, taʼmirlash, davlat qiyoslovidan oʻtkazish va oʻrnatish isteʼmolchi tomonidan ular qiymati va koʻrsatilgan xizmatlar uchun haq toʻlangan holda, Taʼminotchi korxona tomonidan amalga oshiriladi.

III. HISOB-KITOB QILISH TARTIBI

3.1. Elektr energiyasi uchun hisob-kitoblar bir stavkali, tabaqalashtirilgan, oʻsib boruvchi, kamayuvchi koeffitsiyent qoʻllaniladigan yoki aholiga tenglashtirilgan tariflar asosida amalga oshiriladi.

3.2. Ulangan quvvati 750 kVA va undan ortiq boʻlgan Isteʼmolchi (byudjet tashkilotlari, suv taʼminoti tashkilotlari, fermer xoʻjaliklari va suv isteʼmolchilari uyushmalarining nasos stansiyalari, shuningdek Davlat byudjetidan moliyalashtiriladigan nasos stansiyalari bundan mustasno) elektr energiyasi uchun hisob-kitoblarni tabaqalashtirilgan tarif boʻyicha amalga oshiradi.

Isteʼmol qilingan energiya uchun tabaqalashtirilgan tarif boʻyicha hisob-kitoblar:

yarim tigʻiz davr – sutkaning yorugʻ vaqtida (soat 900 dan 1700 gacha) – belgilangan tarif boʻyicha,

tigʻiz davr – eng katta yuklamali soatlarda (yagona elektr energetika tizimining eng katta yuklamali soatlari: ertalabki eng katta miqdor soat 600 dan 900 gacha, kechki eng katta miqdor soat 1700 dan 2200 gacha) belgilangan tarifga nisbatan 1,5 baravar miqdorda oʻsuvchi koeffitsiyentni qoʻllash orqali;

tungi davr – sutkaning qorongʻi vaqtida (eng kam yuklamali soatlarida:

2200 dan 2400 gacha va 0000 dan 600 gacha) – belgilangan tarifga nisbatan 1,5 baravar kamayuvchi koeffitsiyentni qoʻllash orqali amalga oshiriladi.

Belgilangan tarif II tarif guruhi isteʼmolchilari uchun bir stavkali tarifga mos keladi.

Tabaqalashtirilgan tarif qoʻllanilmaydigan isteʼmolchiga nisbatan energiya uchun hisob-kitoblarda bir stavkali tarif qoʻllaniladi.

Reaktiv energiya kompensatsiyasi uchun chegirmalar (ustamalar) reaktiv energiyani hisobga olish priborlarining koʻrsatkichlari asosida aniqlanadi hamda tegishli ravishda isteʼmol qilingan (hosil qilgan) reaktiv energiyaning 1 kVar/soat uchun toʻlov tarzida undiriladi.

Reaktiv energiyaning shartnomaviy miqdori reaktiv energiyaning iqtisodiy qiymatidan kelib chiqqan holda aniqlanadi.

Reaktiv energiyaning har bir hisobot davri uchun iqtisodiy qiymati, shartnomada koʻrsatilgan va oʻrnatilgan tartibda aniqlanadigan quvvat koeffitsiyentining optimal miqdori hisobga olinib, ushbu davr uchun aktiv energiyaning shartnomadagi miqdoridan kelib chiqqan holda aniqlanadi.

Ulangan quvvatidan qatʼiy nazar, kripto-aktiv va mayning sohasida faoliyatni amalga oshiruvchi Isteʼmolchilar (turli kriptovalyutalarda yangi birliklar va komissiya yigʻimlari formatida mukofot olish imkonini beradigan taqsimlash platformasini taʼminlash va yangi bloklar yaratish boʻyicha faoliyat) foydalangan elektr energiyasi uchun toʻlovlarni tegishli tarif guruhiga asosan belgilangan tarifga nisbatan 3 barobar oʻsuvchi koeffitsiyentga muvofiq toʻlaydi.

3.3. Bir necha tarif guruhlariga mansub Isteʼmolchi bilan hisob-kitoblar, har bir tarif guruhiga alohida oʻrnatilgan hisobga olish priborlari koʻrsatkichlari boʻyicha amalga oshiriladi.

3.4. Taʼminotchi korxona Isteʼmolchi (yoki uning vakili) bilan birgalikda isteʼmol qilingan elektr energiyasining amaldagi miqdorini aniqlash uchun ulardagi elektr energiyasini hisobga olish priborlari koʻrsatkichlarini har oyda yozib olishi va zarur boʻlganda elektr energiyasini hisobga olish priborlarini ulash sxemasini tekshirib koʻrishi kerak.

Taʼminotchi korxona Isteʼmolchi bilan birgalikda hisob-kitob davri tugagandan soʻng (mavjud vaziyatdan kelib chiqqan holda) hisobga olish priborlarining koʻrsatkichlarini har oyda yozib oladi va ushbu Shartnomaning 5-ilovasiga muvofiq shaklda energiya sarfi boʻyicha hisobot tuzadi. Isteʼmolchi tomonidan elektr energiyasi sarfi toʻgʻrisida Taʼminotchi korxonaga belgilangan shakl boʻyicha oʻz qoʻli bilan, faksimil, elektron yoki pochta aloqasi orqali taqdim etilgan hisobot ham isteʼmol qilingan amaldagi hajmini aniqlash uchun asos boʻlib xizmat qiladi.

Bunda, toʻlovlarni tabaqalashtirilgan tarifda amalga oshiradigan Isteʼmolchilar boʻyicha elektr energiyasi sarfi boʻyicha hisobotda foydalanilgan elektr energiyasi (aktiv va reaktiv) toʻliq hajmidan tashqari tigʻiz, yarim tigʻiz va tungi paytlarda foydalanilgan elektr energiyasi hajmlari alohida ham koʻrsatilishi shart.

Elektr energiyasini hisobga olish va nazorat qilishning avtomatlashtirilgan tizimi (keyingi oʻrinlarda EHNAT deb ataladi) joriy etilgan isteʼmolchilarda hisobga olish priborlaridagi koʻrsatkichlar avtomatlashtirilgan tizimning texnik parametrlariga muvofiq, biroq bir oyda kamida bir marta yoki isteʼmolchining buyurtmasi boʻyicha yozib olinadi.

3.5. Elektr energiyasi uchun amaldagi tariflar oʻzgargan taqdirda, hududiy elektr tarmoqlari korxonasi ularning kuchga kirishidan kamida 15 kun oldin qarorni ommaviy axborot vositalarida eʼlon qiladi.

Bunda elektr energiyasi uchun tariflar oʻzgargan sanadan qatʼiy nazar, elektr taʼminoti shartnomasi oʻz kuchida qoladi va isteʼmolchi foydalanilgan elektr energiyasi uchun yangi tarif kuchga kirgan kundan boshlab xaq toʻlashga majburdir.

Tarif oʻzgargan taqdirda, isteʼmolchilar elektr energiyasi (shu jumladan aktiv va reaktiv energiya)ning avans tariqasida toʻlangan hajmi uchun toʻlov kunidan boshlab keyingi bir oydan ortiq boʻlmagan muddatda qoʻshimcha toʻlov toʻlashdan ozod etiladi.

Arifmetik xatoliklar, tariflarni notoʻgʻri qoʻllash tufayli paydo boʻladigan kam va ortiqcha toʻlovlar tegishli tarif boʻyicha kVt*soatlarda qayta hisoblab chiqiladi va Taʼminotchi korxona tomonidan daʼvo muddati doirasida koʻrsatkichlardagi tafovut yoki qoʻshimchalar bilan birgalikda hisobga olinadi.

3.6. EHNATga ulangan yoki oldindan haq toʻlash qurilmasi va hisobga olish priboriga ega boʻlgan isteʼmolchilarga elektr energiyasi yetkazib berish oldindan toʻlangan toʻlov doirasida amalga oshiriladi.

Isteʼmolchiga elektr energiyasi yetkazib berish 100 foiz oldindan haq toʻlash asosida amalga oshiriladi.

Bunda, hisob-kitobni 50 foiz oldindan haq toʻlash asosida amalga oshirish xohishini bildirgan Isteʼmolchi hisob-kitob amalga oshiriladigan davrni koʻrsatib, hisob-kitob davri boshlanishidan kamida 5 kun oldin bildirgi tartibida Taʼminotchi korxonaga murojaat qilgan taqdirda elektr energiyasi Isteʼmolchiga 50 foiz oldindan haq toʻlash asosida yetkazib berilishiga yoʻl qoʻyiladi. Oldindan haq toʻlanmagan hamda 50 foiz oldindan haq toʻlayotgan Isteʼmolchi tomonidan oyning oxirigacha yakuniy hisob-kitob amalga oshirilmagan hollarda mazkur Isteʼmolchiga nisbatan elektr tarmoqlaridan toʻliq uzishgacha boʻlgan choralar koʻriladi.

3.7. Taʼminotchi korxona Isteʼmolchining energiya sarfi toʻgʻrisidagi hisoboti asosida belgilangan tartibda hisob-kitobni amalga oshiradi va besh kun ichida toʻlov amalga oshirish uchun hisob-faktura va toʻlov hisob-varagʻini taqdim etadi.

Isteʼmolchi turli tarif guruhlariga tegishli boʻlgan bir nechta obyektga ega boʻlsa, har bir tarif guruhi uchun tarif koʻrsatilgan holda umumiy hisob-faktura taqdim etadiladi.

Taʼminotchi korxona tomonidan maxsus dasturiy mahsulot orqali hisob-faktura va toʻlov hisob-varagʻi shakllantiriladi hamda Isteʼmolchi toʻgʻrisidagi maʼlumotlar koʻrsatilgan holda elektron raqamli imzo bilan tasdiqlanib, operator orqali rouming operatoriga yuboriladi. Agar maxsus dasturiy mahsulot orqali yetkazish imkoniyati mavjud boʻlmasa, hisob-faktura va toʻlov hisob-varagʻi yozma shaklda beriladi.

(Asos: Oʻzbekiston Respublikasi Vazirlar Mahkamasining 25.06.2019-yildagi

522-sonli “Oʻzaro hisob-kitoblar tizimida elektron shakldagi hisobvaraq-fakturalardan foydalanishni takomillashtirish chora-tadbirlari toʻgʻrisida”gi qarori)

3.8. Hisobga olish pribori ushbu Shartnomaning 3-ilovasiga muvofiq, elektr tarmoqlarining mansublik balansi boʻyicha farqlash dalolatnomasi va tomonlarning ekspluatatsiya javobgarligi asosida aniqlanadigan elektr tarmogʻining mansublik balansi chegarasida oʻrnatilmaganda, chegaradan hisobga olish pribori oʻrnatilgan joyigacha boʻlgan uchastkada energiyaning texnologik sarflanish hajmi Isteʼmolchi bilan birgalikda hisoblash yoʻli orqali aniqlanadi va ushbu Shartnomaning 4-ilovasiga muvofiq dalolatnomada koʻrsatiladi va elektr tarmogʻining balans boʻyicha mansubligiga qarab hududiy elektr tarmoqlari korxonasining va isteʼmolchining hisobiga oʻtkaziladi. Xususiy uy-joy mulkdorlari shirkatlari va kommunal-ekspluatatsiya tashkilotlarining koʻp qavatli uyning ichki tarmogʻidagi yoʻqotishlar bundan mustasno.

Bunda, 750 kVA va undan yuqori quvvatga ulangan, tabaqalashtirilgan tarifda toʻlovlarni amalga oshiradigan Isteʼmolchi uchun energiyaning texnologik sarflanish hajmi sutkaning tigʻiz, yarim tigʻiz va tungi paytlari uchun alohida aniqlanib, mutanosib ravishda jami olingan elektr hajmining tegishli paytlariga toʻlov haqini yozish uchun qoʻshib boriladi (6-,7-ilovalarni reaktiv quvvatga ega va texnologik bronli isteʼmolchilar toʻldiradi).

3.9. Elektr energiyasi yagona elektr energetika tizimidan tranzit boʻyicha Isteʼmolchining elektr tarmogʻi orqali hududiy elektr tarmoqlari korxonasining elektr tarmogʻiga uzatilganda, Isteʼmolchi tarmoqlaridagi elektr energiyasi texnologik sarfining bir qismi, Isteʼmolchining elektr tarmogʻiga kelib tushgan elektr energiyasining umumiy miqdoriga nisbatan hududiy elektr tarmoqlari korxonasining elektr tarmogʻiga isteʼmolchi tomonidan uzatilgan elektr energiyasi miqdoriga mutanosib ravishda, yagona elektr energetika tizimining elektr tarmoqlaridagi texnologik sarflarga oʻtkaziladi.

3.10. Elektr energiyasi sarfi toʻgʻrisidagi hisobot Isteʼmolchi tomonidan taqdim etilmagan taqdirda, Taʼminotchi korxona tomonidan elektr energiyasi (shu jumladan aktiv va reaktiv energiya) isteʼmolining shartnomaviy miqdori boʻyicha yoki oʻtgan hisob-kitob davr uchun elektr energiyasi isteʼmolining oʻrtacha sutkalik amaldagi miqdori toʻgʻrisidagi maʼlumotlar asosida hisob-kitob qilinadi.

Bunda hisobga olish priborlari koʻrsatkichlari nazorat tartibida Taʼminotchi korxona tomonidan yozib olingandan keyin amalda isteʼmol qilingan elektr energiyasi uchun qayta hisob-kitob qilinadi. Qayta hisob-kitob Isteʼmolchi yoki uning vakili ishtirokida yoxud uning ishtirokisiz belgilangan tartibda amalga oshiriladi.

3.11. Taʼminotchi korxona Isteʼmolchining shaxsiy hisob-raqam va hisobga olish priborlarining holati haqida batafsil maʼlumotlar doimiy asosda shakllantirilishi va idoralararo elektron hamkorlik qilish tizimiga real vaqt rejimida yuborilishini taʼminlaydi.

3.12. Shartnomada hisob-kitob davri uchun koʻrsatilgan energiya miqdordan

5foizdan ortiq miqdorda energiya isteʼmol qilganda, Isteʼmolchidan shartnomada koʻrsatilgan miqdordan ortiq isteʼmol qilingan elektr energiyasi jami hajmi uchun belgilangan tarifning 1,15 baravari miqdorida toʻlov undiriladi.

Isteʼmolchining elektr energiyasi haqini toʻlash, reaktiv energiya kompensatsiyasi uchun tarifga ustamalar, shuningdek, noqonuniy foydalanilgan elektr energiyasi qayta hisob-kitobi va penya boʻyicha qarzi boʻlgan taqdirda, uning avans toʻlovi hisobiga oʻtkazilgan mablagʻlari qarzni qoplashga yoʻnaltiriladi va avans toʻlovi (oldindan haq toʻlash) sifatida hisobga olinmaydi.

Isteʼmolchi shartnomada koʻrsatilgan elektr energiyasi xajmini toʻliq isteʼmol qilmagan taqdirda, avans tariqasida toʻlangan mablagʻlar qaytarib berilmaydi va elektr energiya uchun keyingi hisob-kitoblarda hisobga olinadi.

Hisob-kitob oyidan keyingi kalendar oy tugagach qarzdorlik toʻlov muddati oʻtgan deb hisoblanadi va toʻlov muddati oʻtgan har bir kun uchun Isteʼmolchiga toʻlov muddati oʻtgan summaning 0,1 foizi miqdorida, elektr energiyasi maxsus tartibda yetkazib beriladigan korxonalar uchun esa 0,2 foiz miqdorida penya hisoblab yoziladi. Bunda penyaning umumiy miqdori, muddati oʻtgan toʻlovning 50 foizidan oshmasligi lozim.

3.13. Isteʼmolchi va Taʼminotchi korxona har oyda hisob-kitob davri tamom boʻlgandan keyin besh kun mobaynida oʻzaro hisob-kitoblarni taqqoslash dalolatnomasini tuzadi.

3.14. Isteʼmolchi quyidagi hollarda elektr tarmoqlaridan uziladi:

hisob-kitoblar oʻz vaqtida amalga oshirilmaganligi oqibatida foydalanilgan elektr energiyasi uchun qarzdorlik mavjud boʻlganda;

Taʼminotchi korxonaning qonuniy talabnomalari bajarilmaganda, shu jumladan, uning tegishli vakillariga hisobga olish priborlari koʻrsatkichlarini olishga yoʻl qoʻyilmaganda;

hisobga olish priborlarini qasddan buzganda, koʻrsatkichlarni oʻzgartirish maqsadida ularning ishlashiga tashqaridan aralashish xatti-harakatlari amalga oshirilganda;

elektr energiyasidan noqonuniy foydalanilgani, elektr tarmoqlariga noqonuniy ulanish, talon-taroj qilish yoki Vazirlar Mahkamasining 2018-yil

12-yanvardagi 22-sonli qarori bilan tasdiqlangan Elektr energiyasidan foydalanish Qoidalar (keyingi oʻrinlarda Qoidalar deb ataladi)ini buzish holatlari aniqlanganda.

yagona elektr energetika tizimida elektr energiya va quvvatda tanqislik vujudga kelganda, avariyalarga yoʻl qoʻymaslik va isteʼmolchilarning tartibsiz uzib qoʻyilishini oldini olish maqsadida hududiy elektr tarmoqlari korxonasi oʻchirish vaqtini koʻrsatgan holda, isteʼmolchilardan reklamalar, illyuminatsiyalar, bino va inshootlarni yoritgichlarini, elektr isitish va issiq suv bilan taʼminlash qurilmalarini oʻchirib qoʻyish talabi bajarilmaganda;

sud organlarinning qonuniy kuchga kirgan qarorlariga asosan.

Isteʼmolchilar va subisteʼmolchilar (ijarachilar), tadbirkorlik subyektlari yoxud fuqarolar oʻrtasida turli xil nizoli (kelishmovchilik) holatlarda, faqatgina sudning qonuniy kuchga kirgan qarorlariga asosan Taʼminotchi korxona elektr tarmoqdan ajratish yoki qayta ulashni amalga oshiradi.

3.15. Hisobga olinmagan energiya uchun amalga oshirilgan qayta hisob-kitob, Isteʼmolchini qonunchilik hujjatlarida belgilangan tartibda Qoidalarni buzganlik uchun javobgarlikdan ozod etmaydi.

3.16. Taʼminotchi korxona yetkazib berilgan elektr energiya uchun qarzdor boʻlgan Isteʼmolchiga qarzni besh kun ichida toʻlanishi haqida xabardor qilishni taʼminlaydi (EHNATga ulangan isteʼmolchilar bundan mustasno).

Taʼminotchi korxona Isteʼmolchini xabardor qilgan vaqtdan boshlab besh kun muddat oʻtgandan soʻng, Isteʼmolchini debitor qarzdorlik uchun tarmoqdan uzib qoʻyish va ularni qaytadan ulashni qonunchilik hujjatlarida belgilangan tartibda amalga oshiradi.

Qayta ulanishda Isteʼmolchidan toʻlov kuni amalda boʻlgan bazaviy hisoblash miqdorining oʻn baravari miqdorida xaq undiriladi. Bunda, EHNATga ulangan isteʼmolchilar bundan mustasno, lekin hisoblagich va EHNAT tizimiga tashqi taʼsir koʻrsatilgan holatlarda joyiga chiqqan holda tarmoqdan ajratilganda hamda dastur tomonidan tarmoqdan ajratish va ulash imkoniyati mavjud boʻlmagan EHNATga ulangan Isteʼmolchidan ham qayta ulanish uchun toʻlov undiriladi

3.17. Isteʼmolchi elektr tarmoqlarining texnik holatini taʼminlash boʻyicha ekspluatatsiya xarajatlari uchun subisteʼmolchilar, isteʼmolchi bilan subisteʼmolchi oʻrtasida tuzilgan alohida shartnoma boʻyicha elektr energiyasining umumiy hajmidan olinadigan ulushga mutanosib ravishda haq toʻlaydi.

Ekspluatatsiya xarajatlarini subisteʼmolchiga beriladigan elektr energiyasi tarifiga qoʻshishga ruxsat etilmaydi.

3.18. Xususiy uy-joy mulkdorlari shirkatlari va kommunal-ekspluatatsiya tashkilotlari, elektr energiyasidan aholiga elektr energiyasi yetkazib berish maqsadida foydalanuvchi idoraviy va munitsipial uy-joy fondi, yuridik shaxslar yotoqxonalari, diniy tashkilotlar, shuningdek, elektr energiyasidan aholi ehtiyojlari uchun foydalanadigan lokal qozonxonalarga maishiy isteʼmolchilarga belgilangan tarif qoʻllaniladi.

3.19. Elektr energiyasini hisobga olish pribor bilan birgalikda foydalaniladigan oʻlchov transformatorlarini boshqa joyga oʻrnatish va almashtirish Taʼminotchi korxona bilan kelishilgan holda amalga oshiriladi.

Isteʼmolchi elektr qurilmalarini hududiy elektr tarmoqlari korxonasining elektr tarmoqlariga oʻzboshimchalik bilan ulagan taqdirda, elektr qurilmalari elektr tarmogʻidan darhol uzib qoʻyiladi, isteʼmolchidan esa ruxsatsiz isteʼmol qilingan elektr energiyasining qiymati isteʼmolchi rasmiy ravishda davlat roʻyxatidan oʻtkazilgan kundan boshlab oʻtgan vaqt mobaynida (tasdiqlovchi hujjatlar mavjud boʻlganda) yoki daʼvo muddati uchun elektr energiyasini qabul qilgich qurilmaning ulangan quvvat boʻyicha sutkasiga 24 soat davomida ishlashi va oʻzboshimchalik bilan ulangan elektr tarmogʻi (elektr uzatish liniyasi va transformatorlar) uchastkasida yoʻqotilgan quvvat hisobidan undiriladi.

Hisobga olinmagan elektr energiyasi qiymatini undirish uchun elektr energiyasidan foydalanish qoidalari buzilishiga yoʻl qoʻygan isteʼmolchi yoki uning vakili ishtirokida yoki Isteʼmolchi ishtirok etishni rad etgan taqdirda uning ishtirokisiz belgilangan tartibda qayta hisob-kitob amalga oshiriladi.

Isteʼmolchining aybi bilan elektr energiyasini hisobga olish priboriga zarar yetkazilgan (plombasi buzilsa, oynasi sinsa va boshqalar), elektr energiyasini hisobga olish priborini ulash sxemasi oʻzgartirilgan, hisobga olish asbobining xotira bloki va uni dasturlashdan foydalanish tugmasiga (boʻlmasiga) tashqaridan taʼsir koʻrsatilgan, elektr energiyasini hisobga olish priboridan tashqari elektr qabul qilgichlarni ulash yoki energiya boshqa usulda oʻgʻirlangan hollarda, Taʼminotchi korxonaning vakolatli vakili belgilangan shakl boʻyicha qoidani buzish dalolatnomasini tuzadi. Ushbu dalolatnoma asosida Taʼminotchi korxona Isteʼmolchini elektr tarmogʻidan uzib qoʻyadi.

Hisobga olinmagan elektr energiyasi miqdorining qiymati Taʼminotchi korxona tomonidan ushbu Shartnomada koʻrsatilgan Isteʼmolchining ish soatlari soni hisobga olingan holda elektr qabul qilgichlarning ulangan quvvati boʻyicha quyidagi holatlarda amalga oshiriladi:

Isteʼmolchining aybi bilan elektr energiyasini hisobga olish pribori, oʻlchov transformatorlarini ulash sxemalari oʻzgartirilganda, hisobga olish asbobining xotira bloki va uni dasturlashdan foydalanish tugmasiga (boʻlmasiga) tashqaridan taʼsir koʻrsatilganda va hisobga olishni nazorat qilish asboblaridan tashqari elektr qabul qilgichlar koʻz bilan aniqlab boʻlmaydigan (aniqlash murakkab boʻlgan) yashirin yoʻl bilan (yashirin elektr simlari, pereklyuchatellar montaj qilinishi va shu kabilar) ulanganda – elektr energiyani hisobga olishning nazorat asboblari oxirgi almashtirilgan yoki ulanish sxemalari tekshirilgan kundan boshlab, biroq daʼvo muddatidan ortiq boʻlmagan muddatda;

elektr energiyasini hisobga olish priboriga Isteʼmolchining aybi bilan zarar yetkazilganda (plombasi buzilishiga yoʻl qoʻyilgan, oynasi singan va shu kabi holatlar) yoki elektr energiyasi aylanib chiqishda koʻz bilan aniqlash mumkin boʻlgan boshqa usulda oʻgʻirlangan taqdirda – oxirgi marta aylanib chiqilgan yoki oxirgi marta elektron tarzda koʻrsatkichlarni olingan kundan boshlab, biroq daʼvo muddatidan ortiq boʻlmagan muddatda amalga oshiriladi;

Hisobga olinmagan elektr energiyasi miqdori qiymatini hisob-kitob qilishda qoida buzish aniqlanishidan oldingi davr uchun amaldagi toʻlovlar hisobga olingan holda, qayta hisob-kitob amalga oshirilayotgan vaqtdagi tarif qoʻllaniladi. Bunda I tarif guruhidagi Isteʼmolchilar uchun hisobga olinmagan elektr energiyasi miqdorining qiymati yagona elektr energetikasi tizimining maksimal yuklanish soatlarida amal qiladigan tarif boʻyicha hisob-kitob qilinadi.

Elektr energiyasini hisobga olish Isteʼmolchining aybisiz vaqtinchalik buzilganda yetkazib berilgan elektr energiyasi uchun hisob-kitob Taʼminotchi korxonaning qarori boʻyicha, hisobga olish buzilishiga qadar boʻlgan oldingi hisob-kitob davridagi yoki hisobga olish tiklangandan keyingi davrdagi oʻrtacha sutkalik sarf boʻyicha amalga oshiriladi.

Elektr energiyaning oʻrtacha sutkalik sarfi boʻyicha hisob-kitob qilish davri bir oydan oshmasligi kerak va shu vaqt ichida hisobga olish tiklanishi zarur.

Agar, elektr energiyani hisobga olish priborini obyektiv sabablarga koʻra, koʻrsatilgan muddatda (oʻlchash transformatorining, hisobga olish priborining yoʻqligi, oʻtib boʻlmaydigan yoʻllar va shu kabilar tufayli) tiklash imkoniyati boʻlmasa, isteʼmolchiga yetkazib berilgan elektr energiyasi uchun hisob-kitob qilish tartibi va hisobga olishni tiklash muddati isteʼmolchi va hududiy elektr tarmoqlari korxonasining oʻzaro kelishuvi bilan belgilanadi.

Elektr energiyasidan foydalanishda Isteʼmolchi tomonidan yoʻl qoʻyilgan qoidabuzilishlar Taʼminotchi korxona vakili va Isteʼmolchi tomonidan imzolangan ikki nusxadagi belgilangan shakl boʻyicha dalolatnoma bilan rasmiylashtiriladi, uning bir nusxasi Isteʼmolchiga beriladi va Taʼminotchi korxona tomonidan ushbu Qoidalarni buzgan Isteʼmolchi elektr qurilmalari tarmoqdan uzib qoʻyiladi.

Isteʼmolchi dalolatnomani imzolashni rad etgan taqdirda, qoida buzish dalolatnomasida isteʼmolchini tanishtirganlik toʻgʻrisida belgi qoʻyiladi.

Dalolatnoma tuzilgandan soʻng Taʼminotchi korxona Isteʼmolchi ishtirokida 10 kunlik muddatda dalolatnomaga asosan Isteʼmolchi tomonidan amalga oshirilgan qoidabuzarlik boʻyicha tegishli hisob-kitob koʻrib chiqiladi va uning natijasida qoidabuzarlik Isteʼmolchiga toʻliq asoslantiriladi. Isteʼmolchi tomonidan Taʼminotchi korxonaga toʻlashi lozim boʻlgan hisob-kitobni batafsil tushuntirgan holda hisob-kitobning bir nusxasini taqdim etishi lozim.

Isteʼmolchi Taʼminotchi korxona tomonidan qoʻyilgan qoidabuzarlikka (ayblovga) va hisob-kitobga norozi boʻlgan taqdirda belgilangan tartibda tegishli idoralarga hamda sudga murojaat qilish huquqiga ega.

IV. TOMONLARNING HUQUQ VA MAJBURIYATLARI

4.1. Isteʼmolchi quyidagi huquqlarga ega:

Isteʼmolchining elektr qurilmalarini Taʼminotchi korxona elektr tarmoqlariga texnik shartlarga muvofiq oʻrnatilgan tartibda ulash;

sifat koʻrsatkichlari amaldagi davlat standartlariga (GOST 32144-2013 va GOST 13109-97) muvofiq oʻrnatilgan tartibda elektr energiyasini olish;

elektr energiyasi yetkazib berishning toʻxtalishi yoki toʻxtatib qoʻyilishi sabablari toʻgʻrisida belgilangan tartibda axborot olish;

Taʼminotchi korxonaga isteʼmol qiladigan elektr energiyasi hajmlarining oʻzgartirilishi toʻgʻrisida belgilangan tartibda takliflar kiritish. Bunda elektr energiyasining shartnomadagi hajmini oʻzgartirish boʻyicha taklif moʻljallanayotgan oʻzgartirishdan 10 kun oldindan (joriy oy tugagungacha) berilishi kerak

elektr energiyasi toʻliq hajmda yetkazib berilmasligi yoki sifat koʻrsatkichlari amaldagi davlat standartlariga muvofiq boʻlmagan elektr energiyasi yetkazib berilishi oqibatida hududiy elektr tarmoqlari korxonasi yoki elektr taʼminoti korxonasi (aybdor tashkilot) tomonidan yetkazilgan zararlarni belgilangan tartibda qoplash;

Shartnomani qonunchilik hujjatlariga muvofiq bir tomonlama tartibda bekor qilish;

Shartnoma bekor qilganda foydalanilmagan elektr energiyasi miqdori uchun toʻlangan mablagʻni qaytarilishini talab qilish;

Elektr energiyasi yetkazib berilishi toʻxtatilganda yetkazilgan zararni qoplashni talab qilish;

elektr taʼminoti shartnomasini tuzishda va bajarishda yuzaga kelayotgan nizolarni hal etish uchun sudga, monopoliyaga qarshi davlat organiga yoki boʻysunuvi boʻyicha yuqori organga (mansabdor shaxsga) murojaat qilish;

Taʼminotchi korxona vakillari kelganda ularni kelganligini qayd etish daftari (shnurlangan holda) tutilgan taqdirda unga Taʼminotchi korxona vakili kelganida belgilangan tartibda oʻzi toʻgʻrisidagi maʼlumotlarni (FIO, mansabdor shaxs buyrugʻi raqami va sanasi, lavozimi, sana, kelgan vaqti, kelish sababi va boshqalar) yozma toʻldirtirib, imzo chektirish;

elektr energiyasi priborlari va qurilmalari xavfsizligini taʼminlash maqsadida doimiy ishlaydigan kuzatuv kameralarini oʻrnatish.

Isteʼmolchi qonunchilik hujjatlariga muvofiq boshqa huquqlarga ham ega boʻlishi mumkin.

Isteʼmolchining shartnoma namunasida ko‘rsatilganidan boshqa huquqlari

4.2. Isteʼmolchi quyidagilarga majbur:

Taʼminotchi korxona tomonidan belgilangan elektr energiyasini isteʼmol qilish rejimiga rioya etish;

foydalanilgan elektr energiyasi (quvvati) uchun oʻz vaqtida haq toʻlash;

ishlatilayotgan elektr qurilmalari, asboblar va asbob-uskunalarning zarur texnik holatini va isteʼmolchilarning elektr qurilmalarini ekspluatatsiya qilishda xavfsizlik texnikasi qoidalariga rioya qilinishini taʼminlash, hududiy elektr tarmoqlari korxonasiga yoki elektr taʼminoti korxonasiga elektr asbob-uskunalarining nosozligi toʻgʻrisida xabar qilish;

elektr energiyasidan oqilona foydalanish chora-tadbirlarini amalga oshirish;

“Oʻzenergoinspeksiya”ning yozma koʻrsatmalarini oʻz vaqtida bajarish;

Elektr qurilmalarining tuzilishi qoidalari talablariga rioya etish;

oʻrnatilgan tartibda Taʼminotchi korxona vakiliga elektr energiyasini hisobga olish priborlarini koʻrishiga imkon berish;

yil mobaynida yangidan ishga tushiriladigan elektr qurilmalaridan foydalanish boshlanishidan kamida bir oy oldin elektr energiyasining zarur miqdori uchun hududiy elektr tarmoqlari korxonasiga buyurtmanoma berish;

kelgusi yil uchun elektr energiyasiga boʻlgan ehtiyojni aniqlashda elektr energiyasini elektr tarmoqlaridan uzatishda, ishlab chiqariladigan mahsulotning (ishlar turlarining) texnologik jarayoni ishlab chiqarish ehtiyojlariga, ishlab chiqarish binolari va maʼmuriy binolarni yoritish, isitish, shamollatish uchun elektr energiya sarfini, shuningdek, ushbu elektr tarmoqlariga ulangan subisteʼmolchilarning ehtiyojini hisobga olish.

Isteʼmolchi tomonidan hisobga olish priborni EHNATda muqobil (soz holda) ishlashiga toʻsqinliq qilishi amaldagi Qonun va boshqa meʼyoriy huquqiy hujjatlarga asosan javobgar boʻlishiga sabab boʻladi.

Shuningdek, ulangan quvvati 5 MVt va undan ortiq boʻlgan Isteʼmolchi Taʼminotchi korxonaning talabiga koʻra quyidagilarni hisobga olishi va bu haqida xabar berishi shart:

isteʼmol qilinayotgan quvvatning har sutkalik, har oylik sarfi va amaldagi miqdori;

yagona elektr energetika tizimining eng koʻp va eng kam yuklamali davrlarida reaktiv energiya va quvvatning har sutkalik sarfi;

yagona elektr energetika tizimining eng koʻp yuklamasining oʻtish davrida aktiv energiya (quvvat)ning har 30 daqiqadagi sarfi.

Ulangan quvvati 250 kVA va undan ortiq boʻlgan isteʼmolchilar yuqorida koʻrsatilgan majburiyatlar bilan birgalikda quyidagilarga majbur:

mahsulot birligini ishlab chiqarish (ishlarni amalga oshirish) uchun elektr energiyasi sarfining texnik va iqtisodiy jihatdan asoslangan ilgʻor normalarini ishlab chiqish - umumiy ishlab chiqarish va texnologik; yakka tartibdagi va guruh boʻyicha; yillik, choraklik va oylik - ularni ishlab chiqarishni tashkil etish texnologiyasi takomillashtirilishi (oʻzgartirilishi) va yangi texnika joriy etilishiga qarab qayta koʻrib chiqish;

korxona boʻyicha, shu jumladan koʻp energiya sarflaydigan uskunalar, sexlar va isteʼmolchilar guruhlari boʻyicha elektr energiyasi balanslarini tuzish hamda ular asosida ishlab chiqarish jarayonlarida elektr energiyasidan foydalanish samaradorligini tahlil qilish, elektr energiyasining samarasiz sarflanishi va isrof boʻlishini aniqlash, ularni kamaytirish va bartaraf etish boʻyicha chora-tadbirlarni ishlab chiqish va amalga oshirish;

kelgusi davr uchun elektr energiyasiga boʻlgan ehtiyojni va elektr tarmoqlarining energiya oʻtkazish qobiliyatini oshirish, elektr taʼminoti sxemalarini takomillashtirish zaruriyatini aniqlash maqsadida (mahsulot ishlab chiqarishning, bajariladigan ish turlarining moʻljallanayotgan prognoz hajmlaridan va elektr energiyasi sarfi meʼyorlaridan kelib chiqib, ularni kamaytirish va elektr energiyasini tejashni hisobga olgan holda) elektr energiyasining bir yil va kelgusi davr uchun balanslarini tuzish;

mahsulot (ishlar) birligiga elektr energiyasi sarfining tasdiqlangan meʼyorlariga rioya qilish va ularni kamaytirish boʻyicha belgilangan tadbirlarning bajarilishini taʼminlash;

elektr energiyasini tejash boʻyicha (yillik va uzoq istiqbol uchun) tashkiliy-texnik tadbirlarni ishlab chiqish va amalga oshirish;

Isteʼmolchi Taʼminotchi korxona tomonidan oʻrnatilgan tartibda belgilangan energiya isteʼmolini cheklash jadvalini bajarishi shart.

Yillik elektr energiyasi isteʼmoli ikki ming tonnadan ortiq shartli yoqilgʻiga teng yoki ortiq boʻlganda vakolatli organ tomonidan belgilangan tartibda energetika tekshiruvidan oʻtkaziladi;

Taʼminotchi korxona vakillari tashrif buyurganda qonunbuzilish holati aniqlanganida va aniqlanmaganida taqdirida ham belgilangan tartibda va shaklda dalolatnoma rasmiylashtirib, uni bir nusxasini taqdim etilishini talab qilish;

Isteʼmolchi qonunchilik hujjatlariga muvofiq boshqa majburiyatlarga ham ega boʻlishi mumkin.

Isteʼmolchining shartnoma namunasida ko‘rsatilganidan boshqa majburiyatlari

4.3. Taʼminotchi korxona quyidagi huquqlarga ega:

isteʼmolchilardan elektr taʼminoti shartnomasida belgilangan majburiyatlarni tegishli darajada bajarishni talab etish;

isteʼmolchilar tomonidan elektr taʼminoti shartnomasi shartlari bajarilmasligi yoki buzilishi oqibatida unga yetkazilgan zararning belgilangan tartibda qoplanishi;

avariya rejimida isteʼmolchilarni elektr tarmoqlaridan uzish (oʻchirish);

EHNATga ulangan va oldindan toʻlangan mablagʻ tugagandan soʻng elektr energiyasi uchun oldindan toʻlovni amalga oshirish qurilmasiga ega hisobga olish pribori mavjud boʻlgan isteʼmolchilarni uzish. Bunda uzilgandan soʻng isteʼmolchining koʻrishi mumkin boʻlgan zarari uchun Taʼminotchi korxona javobgar boʻlmaydi.

Qoidalar va boshqa normativ-huquqiy hujjatlarda nazarda tutilgan holatlarda Isteʼmolchilarni elektr tarmoqlaridan uzish oqibatlari uchun javobgar boʻlmaydi.

Taʼminotchi korxona qonunchilikda belgilangan boshqa huquqlarga ham ega boʻlishi mumkin.

Taʼminotchining shartnoma namunasida ko‘rsatilganidan boshqa huquqlari

4.4. Taʼminotchi korxona quyidagilarga majbur:

Isteʼmolchiga elektr energiyasini elektr tarmogʻi orqali elektr tarmoqlarining balans boʻyicha mansublik boʻlinish chegarasigacha shartnomada koʻrsatilgan hajmda muntazam yetkazib berish;

uskunalar, elektr uzatish liniyalarini, hisobga olish priborlaridan foydalanish, ularga texnik xizmat koʻrsatish va taʼmirlash, shuningdek, oʻz elektr xoʻjaligi obyektlaridagi nosozliklarni bartaraf qilish;

elektr tarmogʻi hoʻjaligi obyektlarini rejali taʼmirlanishi tufayli elektr energiyasi bilan taʼminlashdagi mumkin boʻlgan uzilishlar toʻgʻrisida kamida 3 kun oldin ogohlantirish;

Isteʼmolchini elektr energiyasini yetkazib berilishi toʻxtatilishi va toʻxtatilish sabablari toʻgʻrisida xabardor qilish (Isteʼmolchi masʼul xodimlarini uyali aloqa vositasi orqali (telefonogramma), ovozli xabar, telegram xabarnoma, SMS xabar (internet saytlar) orqali yoki yozma tarzda) kiritilayotgan cheklashlar toʻgʻrisida, cheklashlarni hajmi va vaqti koʻrsatilgan holda Isteʼmolchiga oldindan xabar berish;

elektr energiyasi toʻliq yetkazib berilmaganligi yoki elektr taʼminotidagi boshqa buzilishlar toʻgʻrisidagi Isteʼmolchining arizasini, ariza olingan kundan boshlab 10 kundan kechiktirmay koʻrib chiqish Qoidalarga muvofiq bartaraf etish va batafsil javob yuborish;

Isteʼmolchiga oʻrnatilgan tartibda yetkazib berilgan energiya hisobini yuritish;

Isteʼmolchining belgilangan tartibda kiritilgan takliflariga muvofiq besh kun muddatda elektr energiyasining oylik shartnomaviy hajmiga oʻzgartirishlar kiritish, elektr energiyasining oylik shartnomaviy miqdorini koʻpaytirish (kamaytirish) mumkin boʻlmagan taqdirda - bu haqda, rad etish sababini koʻrsatgan holda, isteʼmolchiga xabar qilish;

Isteʼmolchida oʻrnatilgan hisobga olish priborlarini almashtirish

va oʻrnatish, plombalashni taʼminlash;

amaldagi davlat standartiga (GOST 32144-2013 va GOST 13109-97) muvofiq boʻlgan elektr energiyasini yetkazib berish.

isteʼmolchining sarflagan elektr energiyasi uchun qarzi vujudga kelganda qarzni besh kun muddatda toʻlash zarurligi toʻgʻrisida yozma xabardor qilish (EHNATga ulangan isteʼmolchilar bundan mustasno);

Isteʼmolchilarga tuziladigan dalolatnomalarning belgilangan tartibda tasdiqlangan shakllarini oʻz veb saytida eʼlon qilishi;

ishdan boʻshatilgan Isteʼmolchilar bilan ishlab kelgan xodimlarni (inspektorlarni) ishdan boʻshaganida va yangi xodimlarning ishga tayinlanginligi toʻgʻrisida oʻz veb saytida va ijtimoiy tarmoqlari sahifalarida eʼlonlar berib, Isteʼmolchilarni xabardor qilish;

Isteʼmolchiga kuzatuv, oʻrganish, borganda qonunbuzilish holati aniqlanganida va aniqlanmaganida taqdirida ham belgilangan tartibda dalolatnoma rasmiylashtirib, uni bir nusxasini Isteʼmolchiga taqdim etish;

Isteʼmolchi tomonidan elektr taʼminoti korxonasi vakillarini qayd etish daftari tutilgan taqdirda unga Taʼminotchi korxona vakili borganida belgilangan tartibda oʻz toʻgʻrisidagi maʼlumotlarni (mansabdor shaxs buyrugʻi raqami va sanasi, lavozimi, sana, kelgan vaqti, kelish sababi va boshqalar) yozma toʻldirib, imzo chekish;

telefon raqamlari oʻzgarganda, bu haqida Isteʼmolchilarga xabar berish.

Taʼminotchi korxona qonunchilikka muvofiq boshqa majburiyatlarga ham ega boʻlishi mumkin.

Taʼminotchining shartnoma namunasida ko‘rsatilganidan boshqa majburiyatlari

V. TOMONLARNING JAVOBGARLIGI

5.1. Elektr taʼminoti shartnomasi boʻyicha taraflar qonunchilikda belgilangan tartibda javobgar boʻladi shuningdek, shartnoma shartlari bajarilmagan yoki tegishli tarzda bajarilmagan hollarda, Taʼminotchi korxona buning natijasida yetkazilgan haqiqiy zararni qoplashga, Isteʼmolchi esa yetkazilgan haqiqiy zararni qoplashga majbur.

5.2.Taʼminotchi korxona Isteʼmolchi oldida moddiy javobgar boʻlmaydi agar:

Isteʼmolchi elektr energiyasi isteʼmolining belgilangan rejimiga rioya qilmay, elektr energiyasi isteʼmoli yoki quvvatining shartnomaviy miqdoridan oshib ketishiga yoʻl qoʻyganda, hududiy elektr tarmoqlari korxonasi tomonidan belgilangan elektr energiyasi isteʼmolini cheklash jadvalini bajarmagan kunlarda sifati past elektr energiyasi yetkazib berilganligi uchun;

zaxira manbai avtomatik ishga tushganda, avtomatik qayta ulash va avtomatik tarzda tez-tez oʻchirishlar vaqtida elektr energiyasini yetkazib berish borasidagi tanaffuslar uchun.

Energiya taʼminoti shartnomasi boʻyicha majburiyatlar bajarilmagan yoki lozim darajada bajarilmagan hollarda, energiya bilan taʼminlovchi tashkilot shu tufayli yetkazilgan zararning, abonent esa yetkazilgan haqiqiy zararning oʻrnini qoplashi shart.

Agar energiya berishdagi uzilishlar quvvat va energiya yetishmasligi sababli energiya bilan taʼminlovchi tashkilot tomonidan qonunchilik asosida isteʼmolni tartibga solish natijasida yuz bergan boʻlsa, energiya bilan taʼminlovchi tashkilot aybdor boʻlgan taqdirdagina shartnoma majburiyatlarini bajarmagani yoki tegishli darajada bajarmagani uchun javob beradi.

Elektr energiyasini sifat koʻrsatkichlari amaldagi standart talablaridan belgilangan meʼyorlaridan buzilganda uni aniqlash Taʼminotchi korxona va Isteʼmolchi, “Oʻzenergoinspeksiya”, akkreditatsiyadan oʻtgan standart organi bilan birgalikda maxsus akkreditatsiyadan oʻtkazilgan elektr energiyasini oʻlchov uskunalari orqali oʻlchov ishlari olib borish natijasida aniqlanadi va belgilangan tartibda dalolatnoma tuziladi, imzolanadi hamda tomonlarga bir nusxadan beriladi. Ushbu oʻlchov davri 3 kun davomida amalga oshiriladi. Bunda barcha harajatlar aybdor tomon mablagʻlari hisobidan qoplanadi.

5.3. Tomonlar ularning xohish va harakatlariga bogʻliq boʻlmagan tabiiy ofatlar yoki ijtimoiy-iqtisodiy vaziyatlar sababli ushbu sharoitlarda qaytarib boʻlmaydigan va oldindan bilib boʻlmaydigan favqulodda holatlarni oʻz ichiga olgan yengib boʻlmas kuch (fors-major) oqibatida oʻz zimmasiga olingan majburiyatlarni bajara olmasa, tomonlardan hech biri oʻz majburiyatlarini toʻliq yoki qisman bajarmagani uchun javob bermaydi.

5.4. Mazkur shartnomani bajarish jarayonida yuzaga keladigan barcha kelishmovchilik va nizolar muzokara oʻtkazish orqali hal qilinadi. Kelishmovchiliklarni muzokara oʻtkazish orqali hal qilishning iloji boʻlmaganda, ular qonunchilikda belgilangan tartibida hal qilinadi.

VI. ELEKTR ENERGIYASINI ChEKLASH YOKI UZIB QOʻYISH SHARTLARI

6.1. Quvvat va elektr energiyasi isteʼmoli boʻyicha cheklash va uzib qoʻyish jadvallari hududiy elektr tarmoqlari korxonasi tomonidan isteʼmolchilar bilan birgalikda ishlab chiqiladi, mahalliy davlat hokimiyati idoralari bilan kelishiladi, “Hududiy elektr tarmoqlari” AJ tomonidan tasdiqlanadi va yagona elektr energetika tizimida elektr quvvati va energiya tanqisligi paydo boʻlganda joriy etiladi. Bunda Vazirlar Mahkamasining 2008-yil 24-dekabrdagi 277-son qarori bilan tasdiqlangan Tabiiy monopoliyalar subyektlari tomonidan majburiy xizmat koʻrsatilishi kerak boʻlgan isteʼmolchilar roʻyxatida qayd etilgan Isteʼmochilarga asosiy faoliyatini yoki asosiy funksiyalarni amalga oshirish uchun zarur boʻlgan eng kam darajada yetkazib berilishi nazarda tutiladi.

6.2. Elektr energiyasini cheklash va uzib qoʻyish jadvallari isteʼmolchining texnologik va avariya bronini aniqlash dalolatnomasiga asosan, joriy yilning 1-oktyabridan keyingi yilning 1-oktyabrigacha boʻlgan davr uchun tuziladi hamda jadvallarga kiritilgan barcha isteʼmolchilar uchun ularni bajarish majburiy hisoblanadi.

Jadvallarning quyidagi turlari tuziladi:

yagona elektr energetika tizimida yoqilgʻi yoki gidroresurslar yetishmaganda elektr energiyasini (kVt*soatda) cheklash jadvali. Jadvalda elektr energiya isteʼmolini isteʼmolchilarning texnologik bronigacha, keyinchalik esa avariya bronigacha (cheklashga mansub boʻlmagan obyektlardan tashqari) va bunda isteʼmolni

5ta navbatga boʻlgan holda qisqartirish nazarda tutilishi lozim;

yagona elektr energetika tizimida quvvat yetishmaganda quvvatni (kVtda) cheklash jadvali. Jadvalda yagona elektr energetika tizimining ertalabki va kechki eng katta yuklamalari yuzaga keladigan soatlarda isteʼmol qilinadigan quvvatni isteʼmolchilarning avariya bronigacha kamaytirish va bunda isteʼmol qilinadigan quvvatni 5 ta navbatga boʻlish nazarda tutilishi lozim;

quvvat taqchilligi yuzaga kelishi natijasida avariya xavfi paydo boʻlganda va cheklash jadvallarini joriy qilish imkoniyati boʻlmaganda, quvvatni cheklash jadvali. Jadvalda uzib qoʻyilishi mumkin boʻlmagan obyektlardan tashqari, yagona elektr energetika tizimi isteʼmolchilarini toʻliq uzib qoʻyish va uzib qoʻyiladigan quvvatni 5 navbatga boʻlish nazarda tutilishi lozim.

Elektr energiyasini cheklash va uzib qoʻyish jadvallari elektr stansiyalari va elektr tarmoqlari uskunalarining yoʻl qoʻyib boʻlmaydigan sharoitlarda ishlashining oldini olish, yagona elektr energetika tizimining barqaror parallel ishlashini taʼminlash, avariyalar yuzaga kelishining oldini olish hamda isteʼmolchilarning tartibsiz uzib qoʻyilishini bartaraf etish maqsadida yagona elektr energetika tizimida elektr energiyasi va quvvat tanqis boʻlgan hollarda tuziladi.

6.3. Cheklash va uzib qoʻyish jadvallarini amalga kiritish tartibi quyidagilar:

elektr energiyasi va quvvatni cheklash va uzib qoʻyish jadvallari “Oʻzbekiston milliy elektr tarmoqlari” AJ rahbari farmoyishi bilan amalga kiritiladi. Dispetcherlik boshqaruvining barcha darajalarida elektr energiyasini cheklashni joriy etish farmoyishi operativ jurnalda cheklash hajmi, cheklash boshlanadigan va tugaydigan vaqt qayd etilgan holda beriladi;

hududiy elektr tarmoqlari korxonasi isteʼmolchilarga keyingi sutkalarda elektr energiyasini cheklash jadvallarining amalga kiritilishi toʻgʻrisida joriy sutkaning soat 1400 dan kechiktirmay, cheklash hajmi, cheklash boshlanadigan va tugaydigan vaqtini koʻrsatgan holda maʼlum qiladi.

Elektr energiyasini cheklash jadvallarini zudlik bilan joriy etish zarur boʻlganda, bu haqidagi bildirishnoma sutkaning vaqtidan qatʼi nazar, cheklashning amal qilishi boshlanishidan 1 soat oldin isteʼmolchilarga yetkaziladi.

Uzib qoʻyish jadvallari isteʼmolchilar tomonidan hududiy elektr tarmoqlari korxonasidan uzib qoʻyish jadvallari joriy etilishi toʻgʻrisidagi bildirishnoma olingandan keyin darhol joriy etiladi.

Isteʼmolchilar – cheklash va uzib qoʻyish jadvaliga kiritilgan, shu jumladan uzluksiz ishlab chiqarish texnologik jarayoniga ega korxonalar, tashkilotlar va muassasalar (cheklash va uzib qoʻyilishi mumkin boʻlmagan obyektlardan tashqari) cheklash va uzib qoʻyish jadvallarining hududiy elektr tarmoqlari korxonalari tomonidan koʻrsatilgan muddatda soʻzsiz bajarilishini tashkil etishi shart. Aks holda, ular uzib qoʻyish va cheklash jadvallari bajarilmaganligi tufayli yagona elektr energetika tizimi markazlaridan majburiy uzib qoʻyish natijasida yuzaga keladigan oqibatlar uchun qonun hujjatlarida belgilangan tartibda javob beradi.

Hududiy elektr tarmoqlari korxonasi elektr energiyasi va quvvatini cheklash jadvallarini amalga kiritish toʻgʻrisidagi farmoyish isteʼmolchilar tomonidan bajarilmaganda, ularni ogohlantirgandan soʻng elektr energiyasi va quvvat isteʼmolining belgilangan darajada kamayishini taʼminlovchi miqdorda elektr energiyasi yetkazib berilishini majburiy ravishda cheklaydi.

Bu boradagi texnologik jarayonlar buzilishining oqibatlari uchun javobgarlik Isteʼmolchi korxona rahbarlari zimmasiga yuklanadi.

6.4. Qoidalarda nazarda tutilmagan sabablarga koʻra Isteʼmolchilarni elektr energiyasidan oʻchirganlik uchun hududiy elektr tarmoqlari korxonalariga nisbatan qonunchilik hujjatlariga muvofiq iqtisodiy choralar qoʻllaniladi.

VII. KORRUPSIYAGA QARSHI SHARTLASHUV

7.1. Ushbu shartnomaning har bir tomoni oʻziga nisbatan qoʻllaniladigan barcha, shu jumladan Oʻzbekiston Respublikasi amaldagi qonunchilik va normativ hujjatlaridagi Korrupsiyaga qarshi tegishli shartlar va talablarni tushunishi haqida bir-birini ishontiradi va ularga amal qilishini kafolatlaydi.

7.2. Isteʼmolchi ushbu shartnoma amalda boʻlgan butun davr mobaynida u (shuningdek uning mansabdor shaxslari, direktori, xodimlari, agentlari va boshqa vakillari) Taʼminotchi korxonaning manfaatlarida uning agenti yoki vakili sifatida harakat qilib, Taʼminotchi korxonaning hamda Oʻzbekiston Respublikasi amaldagi qonunchilik va normativ hujjatlarining Korrupsiyaga qarshi tegishli shartlari va talablariga qatʼiy rioya etish majburiyatini oladi.

VIII. YAKUNIY SHARTLAR

8.1. Mazkur Shartnomani taraflar imzolagan kundan boshlab Shartnomaning amal qilish muddatigacha boʻlgan muddatga amal qiladi.

Shartnomaning amal qilish muddati tugaganda, tomonlardan biri uni uzaytirish yoki bekor qilish boʻyicha ariza bermagan boʻlsa, shartnoma keyingi har bir yilga uzaytirilgan hisoblanadi (Byudjet tashkilotlari bundan mustasno). Ariza ushbu Shartnomaning amal qilish muddati tugashidan bir oy oldin taqdim etilishi lozim.

8.2. Shartnoma bir xil yuridik kuchga ega boʻlgan va tomonlarning har birida saqlanayotgan ikki (Byudjet tashkilotlari uchun uch) nusxada tuzilgan. Ushbu Shartnoma Shartnomaning sahifasi betdan iborat va uning ilovalari uning ajralmas qismi hisoblanadi.

8.3. Tomonlarning birini tashabbusi bilan shartnomani muddatidan oldin bekor qilish, ikkinchi tomonni bekor qilish muddatidan oʻttiz kun oldin xabardor qilgan holda va tomonlar oʻzaro hisob-kitob qilishi sharti bilan bekor qilinishi mumkin. Bekor qilish toʻgʻrisida xabarnoma yozma ravishda yuboriladi.

8.4. Barcha oʻzgartirish va qoʻshimchalar, agar ular faqat yozma ravishda amalga oshirilib, tomonlarning vakolatli shaxslar tomonidan imzolangan boʻlsa, haqiqiy hisoblanadi.

8.5. Ushbu Shartnoma talablarida nazarda tutilmagan va tutilmagan holatlar boʻyicha nizolar kelib chiqqan taqdirda qonunchilik hujjatlari talablariga muvofiq tartibga solinadi.

Isteʼmolchilarga ogohlantirish !

Umumiy foydalanishdagi elektr tarmoqlariga oʻzboshimchalik bilan ulanish yoki ulardan foydalanish qoidalarini boshqacha tarzda buzish yoxud elektr energiyasini hisobga olish priborlariga, shu jumladan ularning plombalariga qasddan shikast yetkazish yoki bunday hisobga olish priborlarining koʻrsatkichlarini oʻzgartirish maqsadida ularga tashqaridan aralashish, Oʻzbekiston Respublikasining Maʼmuriy javobgarlik toʻgʻrisidagi kodeksining 101 hamda Jinoyat kodeksining 1852 -moddalariga asosan javobgarlikka tortilishiga sabab boʻladi.

VII. TOMONLARNING MANZILLARI VA BANK REKVIZITLARI

YURISTKONSULT XULOSASI:

Taʼminotchi korxona yuristkonsulti:

_________________________________________________________________________

_________________________________________________________________________

_________________________________________________________________________

Yuristkonsult: ________________

YURISTKONSULT XULOSASI:

Isteʼmolchi yuristkonsulti:

____________________________________________________________________

____________________________________________________________________

____________________________________________________________________

Yuristkonsult: _____________________

Yetkazib beriladigan energiya hajmi

1.Tarif guruhi ____________________________

2.Faoliyat turi ____________________________

3.Isteʼmolchi elektr qurilmalarining ulangan quvvati: ___________kVA (kVt)

4.Texnik shart boʻyicha ruxsat berilgan quvvat ______________ kVt

5.Elektr taʼminoti ishonchliligi boʻyicha toifasi (loyiha boʻyicha)____________

Elektr taʼminoti ishonchliligi boʻyicha toifasi (amalda) ____________

6.Hisob-kitob turi: _______________________________________________________________________

_______________________________________________________________________

(tarif turi: tabaqalashtirilgan, bir stavkali yoki axoliga tenglashtirilgan) (keraklisi toʻliq koʻrsatiladi)

Tashkilot kuniga foydalanadi ___________ soat, oyga ________ kun

Umumiy yuklamaga nisbatan smenalar boʻyicha yuklanish % hisobida I __, II __, III __

Energiyani hisobga olish priborlari oʻrnatilgan joylar va ularning tavsiflari

Tomonlar elektr tarmoqlarining balans mansubligi

va ekspluatatsiya qilish boʻyicha masʼullik chegarasi dalolatnomasi

Hisobga olish pribori davlat raqami ______________ tok transformatori _____kuchlanish transformatori _____ jami koeffitsiyent_______ ulangan quvvati_______kVt

Hisobga olish pribori oʻrnatilgan manzil:

______________________________________________________________________

(shahar, qfy, mfy, koʻcha nomi, uy raqami)

1.Tarif guruhi ______ Faoliyat turi ____________________________

2.Tarif guruhi ______ Faoliyat turi ____________________________

_________________________________________________________________

1. Isteʼmolchining balansida quyidagi elektr qurilmalar mavjud:

a) havo elektr tarmogʻi _____________________________________

_________________________________________________________

b) kabel elektr tarmogʻi ___________________________________

_________________________________________________________

_________________________________________________________

v) podstansiyalar, transformator podstansiyalari TP raqami_______________________________________________________________________

_____________________________________________________________________________

2. Isteʼmolchi va Taʼminotchi korxona oʻrtasidagi elektr tarmoqlarning balans boʻyicha

mansublik chegarasi___________________________________________________________________

___________________________________________________________________________

3. Ulardan quyidagilarga:

a) ___________________________________________________________________________

_____________________________ xizmat koʻrsatish Isteʼmolchi xodimlari tomonidan,

b)________________________________________________________________________

__________________________________________________________________________

bilan 202__ yil ___________ sanada tuzilgan ______-conli Texnik xizmat koʻrsatish toʻgʻrisidagi shartnoma asosida Taʼminotchi korxona tomonidan xizmat koʻrsatiladi. Texnik xizmat koʻrsatish shartnomasi tuzilmasa Taʼminotchi korxona tomonidan xizmat koʻrsatilmaydi.

4. Elektr qurilmalarning holati va ularga xizmat koʻrsatish boʻyicha javobgarlik chegarasi quyidagicha belgilandi_________________________________________________________

Energiyani yoʻqolishlarini aniqlash boʻyicha

DALOLATNOMA

Energiya hisobga olish priborlari elektr tarmoqlarining balans boʻyicha mansublik chegarasida oʻrnatilmaganda, elektr tarmoqlarining balans boʻyicha mansubligi chegarasi hisobga olingan holda mansublik chegarasidan xisobga olish pribori oʻrnatilgan joygacha boʻlgan qismi hisoblash yoʻli bilan aniqlanadi va quyidagilarga hisoblanadi:

a) Quvvati ________ kVA boʻlgan transformatorlardagi oylik aktiv energiyaning yoʻqolishlari _____________ kVt.soat yoki _________%, reaktiv energiya yoʻqolishlari _________ kVAr.soat yoki _________ % tashkil etadi;

b) Isteʼmolchining kabel liniyalaridagi har oylik energiyani yoʻqotish:

Uzunligi ____________________________________________________________m;

Kesim yuzasi ________________________________________________________ mm2;

Rusumi ________________________________________________________________ ;

Kuchlanishi _________ kV boʻlsa, _________kVt.soatni, yoki ________ % tashkil etadi;

v) Isteʼmolchining havo liniyalaridagi har oylik energiya yoʻqolishlari:

Uzunligi ____________________________________________________________m;

Kesim yuzasi ________________________________________________________ mm2;

Rusumi ________________________________________________________________;

Kuchlanishi _________ kV boʻlsa, _________ kVt.soatni, yoki ________ % tashkil etadi.

Energiyani har oyda jami yoʻqotishlar hajmi hisob davridagi energiya

sarfining ____ foizini tashkil etadi.

Energiya (aktiv, reaktiv) sarfi boʻyicha

HISOBOT

20___ yil _________________ oyi boʻyicha

Koʻrsatkichlar qayd etilgan sana “___” __________________ 20 _____ yil.

Izoh: 7 ustun= 6 ustun - 5 ustun;

tabaqalashtirilgan hisob uchun nazorat raqami 8 ustun = 7 ustun *4 ustun;

8ustun = 9 ustun +10 ustun +11 ustun +12 ustun +13 ustun.

Kompensatsiya qurilmalarining ishlash rejimi

Kompensatsiya qurilmalarining belgilangan quvvati

IZOH: avtorejimda ishlaydigan kondensator qurilmalari bilan jihozlangan tashkilotlar ulanish vaqtlarini toʻldirishi shart emas.

Reaktiv energiyaning iqtisodiy miqdori

Reaktiv energiyaning har bir hisobot davri uchun iqtisodiy qiymati, reaktiv quvvat kompensatsiyasi boʻyicha ishlarni tashkil etish tartibi toʻgʻrisidagi nizomga asosan (Oʻzbekiston Respublikasi Adliya vazirligi tomonidan 2008-yil 10-oktyabrda 1864-son bilan davlat roʻyxatidan oʻtkazilgan) aniqlanadi

Hisobot davrining yakuni boʻyicha reaktiv energiya iqtisodiy qiymatining amaldagi miqdori isteʼmol qilingan aktiv energiya va quvvat koeffitsiyentining shartnomaviy miqdoridan kelib chiqqan holda aniqlanadi.

Tarifga ustama qoʻshilgan qiymat soligʻi hisobga olinmagan holda faol energiyaning amaldagi tarifi boʻyicha:

5% - reaktiv energiyadan iqtisodiy qiymat doirasida foydalanilganda, bu amalda isteʼmol qilingan aktiv energiya va quvvat koeffitsiyentining shartnomaviy miqdoridan kelib chiqqan xolda aniqlanadi;

10 % - reaktiv energiyadan iqtisodiy qiymat miqdoridan ortiq foydalanilganda, bu amalda isteʼmol qilingan aktiv energiya va quvvat koeffitsiyentining shartnomaviy miqdoridan kelib chiqqan xolda aniqlanadi;

Reaktiv energiya kompensatsiyasi uchun elektr energiyasi tarifiga ustamalar jarima sanksiyasi xisoblanmaydi va elektr taʼminoti shartnomasiga asosan undiriladi.

Reaktiv energiya oʻrni yetarlicha toʻldirilmasligi hisobiga quvvat koeffitsiyentining normativ qiymati Isteʼmolchi tomonidan qoʻllab-quvvatlanmasligi aniqlanganda, hududiy elektr tarmoqlari korxonasi tomonidan qonun hujjatlarida belgilangan tartibda aktiv elektr energiya yoʻqolishi qiymatining texnik-iqtisodiy hisob-kitoblari amalga oshiriladi, shuningdek, quvvat koeffitsiyenti koʻrsatkichlari belgilangan normativlarga nisbatan pasaytirilganligi uchun Isteʼmolchilardan qoʻshimcha mablagʻlar undiriladi (Oʻzbekiston Respublikasi Adliya vazirligi tomonidan 2008-yil 10-oktyabrda 1864-son bilan davlat roʻyxatidan oʻtkazilgan Reaktiv quvvat kompensatsiyasi boʻyicha ishlarni tashkil etish tartibi toʻgʻrisidagi nizomga asosan).

Bunda hisob-kitoblar va qoʻshimcha mablagʻni undirish hisob-kitob davrida Shartnomada koʻrsatilganiga nisbatan Isteʼmolchi tomonidan quvvat koeffitsiyentining amaldagi qiymatini pasaytirishga yoʻl qoʻyilganligi toʻgʻrisida “Oʻzenergoinspeksiya”ning tasdiqlovi boʻlganda amalga oshiriladi.

Tarif chegirmalari Isteʼmolchi yagona elektr tizimi tarmogʻida elektr tarmogʻining katta yuklamali soatlarida reaktiv energiya hosil qilganda va elektr tarmogʻining kichik yuklamali soatlarida energiya tizimi tarmogʻidan reaktiv energiya isteʼmol qilinganda, agar Isteʼmolchining bunday rejimida ishlash zarurati Shartnomada koʻrsatilgan boʻlsa, taqdim etiladi.

Chegirma qoʻshilgan qiymat soligʻi hisobga olinmagan holda aktiv energiya uchun amaldagi tarifning 15% miqdorida belgilanadi.

Avariyaviy va texnologik bronni aniqlash boʻyicha

DALOLATNOMA

Isteʼmolchining_________________________________________ishtirokida tuzildi.

Yagona elektr energetikasi tizimida uzoq muddatli yoki qisqa muddatli quvvat tanqisligi yuzaga kelganda Isteʼmolchi quyidagilarni bajarishi kerak:

Uskuna yuklamasini texnologik bron darajasigacha pasaytirish:

Jami:________kVt

*a) Barcha sexlar va agregatlar zudlik bilan oʻchiriladi. Oʻchirilishi yaroqsiz mahsulot ishlab chiqarilishi, uskunaning buzilishi, portlash, yongʻin, zaharlanish va boshqa baxtsiz hodisalarga olib keluvchi sexlar va agregatlar bundan mustasno.

b) Texnologik bronga shuningdek avariya broniga taalluqli sexlar va agregatlar ham kiradi (2-bandga qarang.)

Texnologik bronni cheklash bosqichlari:

Ibosqich _______________________ kVt; II bosqich _____________________kVt;

III bosqich _______________________ kVt; IV bosqich _____________________kVt.

_____________ oʻtganidan keyin sexlar va agregatlar avariya broni darajasigacha uzib quyiladi.

Jami:________kVt.

*a) Oʻchirilishi suv taʼminoti, aloqa vositalari ishining toʻxtashiga, isitish tizimining muzlab qolishiga olib keluvchi sexlar va agregatlar, hamda qoʻriqlash yoritgichlari elektr tarmogʻidan uzilmagan holda qoldiriladi.

b) Yongʻinga qarshi zaxira nasoslar va boshqa yongʻinga qarshi agregatlar avariya broniga kirmaydi (ushbu agregatlar, zaruratga qarab, oldindan Taʼminotchi korxona bilan kelishilgan holda roʻyxatga kiritilishi mumkin).